Home Altjóða luttøka Bjørk og Marna vunnu fyrsta føroyska heiðursmerkið

Bjørk og Marna vunnu fyrsta føroyska heiðursmerkið

by Guttorm Sørensen

IMG_0182
Marna Egholm og Bjørk Herup Olsen beint eftir heiðursmerkjahandan á F. B. Fields

Tað gjørdist ein dramatiskur dagur hjá føroysku rennarunum, tá fyrsta kappingin á oyggjaleikunum, ½ maraton, var á skránni. Hóast Valborg Heinesen situr heima vegna skaða, var liðið framvegis krútsterkt við Marnu Egholm og Bjørk Herup Olsen. Tað var ikki ætlanin, at Bjørk skuldi renna ½ maraton, men avboðini frá Valborg gjørdu, Bjørk bleiv sett á hetta liðið, sum varð spátt góðar møguleikar at vinna gull.

Og soleiðis sá eisini út leingi. Tvey gullmerki vóru so gott sum í sekkinum. Marna var á odda og Bjørk nummar seks. Alt gekk júst sum ætlað. Tá hendir tað, at Marna fær álvarligar trupulleikar við magakrampum og eisini einum lítlum hitaskjálvta. Marna kom tó á føtur aftur, og fekk gongd í beinini. Oddasessurin var tó fokin, og einar 14 kvinnur vóru nú frammnafyri. Ein teirra var Bjørk Herup Olsen, sum uttan nakra ½ maratonvenjing kortini stóð stinn, gjørdi sína skyldu og kom á mál sum nummar fimm við tíðini 1.24.42 t.

Hjá Marnu byrjaði eisini at ganga væl. Hon yvirhálaði eina fyri og aðra eftir, og tá til stykkis kom endaði hon kortini frammi á 9. plássi. Tíðin hjá henni gjørdist 1.28.

IMG_0119
Marna framvegis á odda eftir 13 km – løtu seinni støðgaði heilt upp hjá henni.

Men hvat nummar Marna var blivin á málinum, visti eingin. Og hvussu raðfylgjan var hjá øllum hinum rennarunum, var tað heldur eingin sum visti. Tískil var sera ivasamt, um føroyska liðið hevðið runnið nóg væl til at ognað sær heiðursmerki. Gleðin var tí stór og røringur kom í, tá boðini komu um at bronsan hóast alt varð bjargað.

IMG_0130
Bjørk rann sera væl í dag, og við hennara fimta plássi eydnaðist Føroyum at vinna bronsu í liðkappingini. Her er tað skeinkjarin úr Hvannasundi, sum leskar Bjørk við vatni.

Hóast ringt er at sleppa uttan um at hetta var eitt skuffilsi, fegnast vit í hópinum um, at tað kortini eydnaðist at vinna bronsuna í liðkappingini. Vit fegnast og virða okkara rennarar fyri at hava kempað so væl í dag. Bjørk uttan kilometurvenjing og Marna við hitaskjálvta – ja, tá er tað eitt bragd í sær sjálvum at vinna heiðursmerki í millum allar teir sterku rennaranar, sum runnu á Jersey í dag.

Føroysku kvinnurnar sleppa tó ikki so. Tær hava báðar tvær kappingar eftir. Týskvøldið rennur Bjørk 3.000 m forðarenning og mikukvøldið rennur Marna 10.000 m. Fríggjadagin renna tær báðar 5.000 m.

Position Bib Competitor Island Result
Gold1st 49 GIB Kim Baglietto GIB 1:21:35
Silver2nd 138 IOM Hannah Howard IOM 1:22:45
Bronze3rd 110 GUE Louise Perrio GUE 1:23:21
4th 152 IOW Laura Brackley IOW 1:23:41
5th 45 FAR Bjørk Herup Olsen FAR 1:24:42
6th 169 JER Andrea Banks JER 1:26:10
7th 129 IOM Nikki Boyde IOM 1:26:14
8th 149 IOM Rachael Tewkesbury IOM 1:26:32
9th 42 FAR Marna Leila Vandsdal Egholm FAR 1:27:56
10th 14 BER Deon Breary BER 1:28:46
11th 183 JER Jane Grace JER 1:28:52
12th 56 GIB Allison Edwards GIB 1:30:21
13th 20 BER Rose-Anna Mc Shane-Hoey BER 1:30:55
14th 206 JER Sylvia Thompson JER 1:31:34
15th 18 BER Victoria Fiddick BER 1:32:32
16th 164 IOW Sarah Kavanagh IOW 1:32:47
17th 310 YSM Sarah Livett YSM 1:32:50
18th 274 WES Alanna Goddard WES 1:32:52
19th 39 FAL Caroline Drew FAL 1:35:49
20th 92 GUE Chantal Green GUE 1:37:28
21st 165 IOW Julie King IOW 1:37:30
22nd 278 WES Morina Macdougall WES 1:42:29
23rd 38 FAL Teslyn Barkman FAL 1:43:59
24th 279 WES Sarah Louise MacIsaac WES 1:51:34
25th 48 FRO Sara Eline Gaasø FRO 1:54:20
DNF 246 SHE Charlotte Black SHE
DNF 97 GUE Rebecca Le Maitre GUE

 

 

Position Team Members Result
Gold1st IOM  Isle of Man Nikki BoydeHannah HowardRachael Tewkesbury 9
Silver2nd GIB  Gibraltar Kim BagliettoAllison Edwards 13
Bronze3rd FAR  Faroe Islands Marna Leila Vandsdal EgholmBjørk Herup Olsen 14
4th JER  Jersey Andrea BanksJane GraceSylvia Thompson 17
5th IOW  Isle of Wight Laura BrackleySarah KavanaghJulie King 20
6th BER  Bermuda Deon BrearyVictoria FiddickRose-Anna Mc Shane-Hoey 23
6th GUE  Guernsey Chantal GreenRebecca Le MaitreLouise Perrio 23
8th WES  Western Isles Alanna GoddardMorina MacdougallSarah Louise MacIsaac 40
9th FAL  Falkland Islands Teslyn BarkmanCaroline Drew 42

 

 

0 comment
0

Related Articles