Home Altjóða luttøka Marna nummar 14 í Kristiansand

Marna nummar 14 í Kristiansand

by Hallur Holm

Tað gekk ikki heilt eftir vild, tá Marna Egholm í gjár var við til NM í lendisrenning. Kappingin fór fram í Kristiansand í Noregi. Tað var kalt og kavi á renniteininum, og hetta gav okkara heldur óroynda lendisrennara eyka avbjóðingar. Tað vóru sera sterkar kvinnur hon skuldi kappast við, og serliga vinnarin úr Svøríki vísti øgiliga styrki. Tær fremstu finsku kvinnurnar vístu seg eisini at vera óvanliga væl fyri.

NM cross 2016-2 NM cross 2016-1
Fleiri minus-stig vóru leygarnáttina, og hetta setti sín dám á sjálvan renniteinin. Tað ráddi um at lata seg væl í til upphitingina. 

Úrslitið gjørdist hetta:

Nr. Navn Úrslit
1 Charlotta FougbergSverige 28:36.7
2 Camilla RichardssonFinland 29:10.9
3 Annemari KiekaraFinland 29:11.6
4 Louise WikerSverige 29:18.6
5 Sara HolmgrenSverige 29:23.2
6 Lena SelenNorge 29:30.1
7 Maria WåganNorge 29:51.1
8 Sissel MøllerDenmark/Færøyene – Denmark 29:57.2
9 Anne NevinNorge 29:58.1
10 Frida KristianssonSverige 30:01.3
11 Lea ReimeDenmark/Færøyene – Denmark 30:05.8
12 Ronja FjellnerSverige 30:36.0
13 Aino KivenmäkiFinland 30:41.9
14 Marna EgholmDenmark/Færøyene – Færøyene 31:27.6
15 Suvi MiettinenFinland 32:59.6

 

Beinini kendust tung longu frá byrjan, segði Marna, sum stríddist væl allan teinin. Møðin frá DM maraton situr enn í kroppinum, og tí hevur venjingin fram móti hesi kappingini ikki verið optimal. Til NM á 10.000 m  mai mánaði var Marna langt undan donsku Sissel Møller, sum í gjár varð nummar átta. Hetta sigur eitt sindur um  munin millum flata renning og lendisrenning og eisini týdningin at vera væl fyrireikaður til lendisrenning, har tú aldrin sleppur at finna egna rútmu, sum annars er styrkin hjá Marnu.

NM cross 20163
Marna stríddist væl allan vegin

Hetta er triðju ferð, at Føroyar eru umboðaðar til NM Cross. Fyrstu ferð var í 2014, tá Valborg Heinesen rann í Reykjavík. Hon vann tá á øllum teimum fimm íslendsku kvinnunum, men fekk tó onga av hinum. Hon stríddist líka til allarseinast móti tí einu donsku, men endaði tvey sekund aftaná. Í 2015 var Marna við í Gøtuborg, men mátti tá gevast, tá hon beklaði. Tá stríddist hon millum tríggjar tær aftastu.

Í gjár var sostatt fyrstu ferð, at vit vunnu á einari “frá teimum stóru londunum”, tí Marna var fitt undan tí seinastu finsku kvinnuni.

Í FÍF meta vit tað hava alstóran týdning at luttaka altjóða, har vit hava møguleikan. Sjálvandi skal tað ítróttarliga eisini forsvarast. Í løtuni er tað bert Marna, sum megnar hetta. Men vit hava nakrar sera sterkar ungdómsrennarar, og vit áttu møguliga at bjóða teimum allarbestu við til NM næsta ár.

NM cross 2016
Hóast kulda og kava, var vindurin ikki nógvur. Tó altíð lætt og ikki minni gott og fjálgt at síggja Merkið millum hini norðurlendsku fløggini

Á úrslitalistanum sæst, at tær donsku kvinnurnar eins og Marna standa at umboða Denmark/Færøyane. Hetta kemst av at tær donsku høvdu tvey avboð og tí ikki fingu mannað lið til liðkappingina. Tí varð felagslið gjørt fyri Danmark og Føroyar.

Rigmor N. Arge frá FÍF hevur verið leiðari á túrinum, og tað er eisini hon, sum eigur myndirnar.

 

 

 

0 comment
0

Related Articles