Marnar bronsu á 3.000m og Rebekka føroyskt met á 200 m! VU-Spelen – øll úrslitini

Skrivað hevur

Eftir loknar kappingar sunnudagin  og -kvøldið fóru vit til Liseberg at stuttleika okkum, so tað varð eitt sindur seint vit komu aftur á vallaraheimið. Tá var einki net, so ikki lá fyri hjá okkum at greiða frá gongdini seinasta dagin.


Marnar vann, við tíðini 8.57,01 min., bronsumerki í 3.000m renningin fyri dreingir 17. Hinir báðir eru norðmenn

Hetta var annars aftur ein dagur við góðum úrslitum. Ja heili 12 persónlig met gjørdist talan um, og mín sann, um ikki vit eisini fingu eitt bronsumerki afturat, tá Marnar Djurhuus við sera væl disiplineraðari  renning endurtók bragdið frá oyggjaleikunum, og í endaspurtinum setti mótstøðumann uppá pláss og sum ein ørvur streyk hann avstað við bronsuni. Eitt føroyskt met fingu vit eisini sunnudagin. Tað var á 200 metrum, har Rebekka betraði sítt met frá 28,80 til 28,45 sek. Kortini endaði hon nr. 49 av 49 í hesi kappingini, og tað sigur ikki so lítið um, hvussu hørð kappingin er til VU-Spelen.  Sostatt komu vit heimaftur við tveimum bronsumerkjum, einum føroyskum meti, 20 bólkametum, 26 persónligum metum og í alt 8 topp-tíggju plaseringum. Hetta má sigast at vera eitt sera gott úrslit, tí støðið svarar nøkulunda til tað, eitt norðurlandameistaraskap hevði svarað til.

Niðanfyri eru nakrar myndir frá seinasta kappingardegnum, sum var sunnudagin umframt øll úrslitini.

Navn Fríggjadagur 8. juli Leygardagur 9. juli Sunnudagur 10. juli
Daniel Djurhuus Rein ´90   Longdarlop 6,44 m – nr 24/32 PM 200 m 24,62 – nr. 68/73 – PM
Hans Jacobsen ´94 800 m 2.08,03 – 44/66 400 m 55,08 – 37/45 200 m 24,36 – 29/41 PM
Rúni Seloy ´94 800 m 1.58,19 – 5/66 400 m 52,88 – 16/45 PM  
Trygvi Laksafoss ´94   100 m 11,88 – 21/49 PM Hæddarlop 160 cm 11/13
Regin Joensen ´95 800 m 2.07,01 – 39/66 PM 400 m 54,25 – 27/45 PM 200 m 25,06 – 37/45 PM
Hallur Simonsen ´95   Kúla 9,88 m – 15/17 Klingra 32,49 – 16/20
Hanus Bergsson ´95 Spjót 46,94 – 18/31 PM Kúla 10,23 m – 14/17  
Marnar Djurhuus ´95   1.500 m 4.12,10 – 7/39 PM 3.000 m 8.57,01 – 3/34 PM
Steingrímur Hallsson ´97   800 m 2.15,09 – 10/29 PM 2.000 m 6.33,91 – 26/39 PM
Steingrímur Hallsson ´97   Spjót 30,47 m – 20/24  
Rebekka Fuglø ´93   400 m 63,36 – 18/25 200 m 28,45 – 49/49 Fø met!!
Rebekka Fuglø ´93     800 m 2.19,29 – 8/24
Elsa Berg ´96 800 m 2.33,63 – 28/36   300 m 45,20 – 40/73 PM
Marita K. Petersen ´98 60 m h. 10,96 – 29/62 PM 80 m 11,83 50/100 PM 200 m 29,54 – 45/74 PM
Marita K. Petersen ´98 Spjót 32,11 m – 8/33 PM Longdarlop 4.23 – 63/101 Kúla 9,05 – 23/56 PM
Katarina Høj ´98 600 m 1.45,89 – 3/41 PM 1.500 m 5.07,59 – 6/33 PM 200 m 30,25 – 26/57 PM
Karin Holm Simonsen 600 m 1.58,17 – 19/41   200 m 32,16 – 43/57 PM
Tinna Berg Jørgensen   80 m 11,45 – 14/74 PM Longdarlop 3,77 – 53/74
Tinna Berg Jørgensen   80 m finalu-umf. 11,51 – 12/16 200 m 29,54 – 13/57 PM


Hans (í bláum skóm) rennur 200m


Londgarlopskappingar fóru eisini fram á upphitingarbreytini


Marita í longarlopi


Regin á veg á mál í 200m


Hans setti persónligt met í 200m


Ísland, Noreg, Svøríki, FØROYAR og Danmark vóru umboðaði í hesum riðilinum


Rebekka ávegis at seta føroysk met í 200m


Klokkan vísti 28,45 sekund tá Rebekka fór um málstrikuna


Daniel rennur her 200m á breyt 1


Daniel setti persónligt met í 200m


Tinna á breyt 2 hevur lagt seg á odda í riðili 3 í 200m


Hon fór flúgvandi um málstrikuna…


…og tíðin vísti 29,54 sekund


Trygvi, Steingrímur og Daniel


Katarina (nærmast) bleiv nummar tvey í sínum riðili í 200m


Karin setti persónligt met í 200m


Karin og Katarina beint eftir 200m


Tinna og Rebekka eftir tær hava runnið 200m


Tinna ovast við 29,54 sekund…


…Marita fekk júst somu tíð !


Framtíðar íðkarar


Marnar hevur tikið píkaskógvarnar uppá og er tilreiðar at renna 3.000m


Teir vóru 17 dreingir í fyrra riðilinum, har Marnar var ein teirra


Marnar rann eina vælstýrda kapping


Klokkan ringir og Marnar fer út á seinasta umfar á 5. plássi!


Seinasta umfari setti Marnar ferð á og rann seg til eitt bronsuheiðursmerki


Marnar var útlúgvaður tá hann kom á mál eftir 3.000m


Nummar eitt og tvey vóru norðmenn, meðan Marnar bleiv nummar trý


Feðgarnir Hallur og Steingrímur á Ullevi summarið 2011. Steingrímur hevur góð evnir til fleiri greinar


Steingrímur manglar her tvey umfør í 2.000m renningini


Á seinasta umfari rann Steingrímur seg fleiri pláss fram


Fittur drongur


Fyrsti riðil gentur 19 ár er júst byrjaður uppá 800m


Rebekka hevur havt takið á Karinu Klok í ár, og so var eisini hesaferð


Rebekka rann fyri triðju ferð undir 2.20 min. á 800m og var bert 22/100 frá metinum


Steingrímur, Hallur, Rúni og Marnar skoða Merkið veitra á Ullevi, eftir væleydnaðar loknar kappingar

Skriva viðmerking

Your email address will not be published. Required fields are marked *

*