Talentbólkurin til VU-Spelen í Gøteborg

Tíðliga hósmorgunin fór ein stórur hópur av ungdómsíðkarum hjá FÍF av landinum við kós móti Svøríki. Talan er um talentliðið hjá FÍF, sum saman við leiðarunum vóru 18 í tali. Hetta er níggjunda summarið út av tíggju teimum seinastu, at FÍF sendir ein ungdómshóp út um landoddarnar at kappast.

Hetta er eisini væl tann størsti hópurin, sum nakrantíð er farin. Hetta hóast krøvini at sleppa við, eru alsamt herd, og hóast føroyski spurtkongurin Rói Holgarsson vegna skaða mátti geva avboð í tólvta tíma.

Hetta er fjórðu ferð, at talentbólkurin fer til VU-Spelen í Gøtuborg. Fyrru ferðirnar vóru í 2005 og 2006, og so aftur seinasta summar. Hetta er størsta kapping av sínum slagi í Norðurlondum, ja kanska Norðueuropa eisini. Millum 3 og 4.000 íðkarar hava boðað frá meira enn 7.000 startum. Kappingarnar byrja fríggjamorgunin, og halda á til seint sunnukvøldið.

Við so mongum íðkarum sigur tað seg sjálvt, at støðið eisini er har eftir. Bæði hjá teimum vaksnu og í ungdómskappingunum er støðið ómetaliga høgt, og okkara luttakarar fara verulia at fáa seg royndar. Bara fyri at enda í ovaru hálvu av alinlongu startlistunum í teimum ymisku kappingunum, skulu okkara vera tíðliga uppi, langt frammi í skógnum, hava tunguna mitt í munninum, bíta saman tenn og geva alt tey eiga.

Vit fara her á síðuni hvørt kvøld at tríva í kappingarnar, sum okkara fólk hava verið við í, og í stuttum greiða frá, hvussu hevur gingið.

Hópurin avmyndaður uttanfyri vallaraheimið har tey búgva í vikuskiftinum.
Standandi fv: Gutti, Rúni, Heri, Trygvi, Steingrímur, Marnar, Hanus, Regin, Daniel, Rebekka, Hans, Elsa og Hallur
Húkandi fv: Marita, Katarina, Tinna og Karin

Skráin hjá teimum sær soleiðis út: