Afterparty verður leygardagin

Skrivað hevur

Leygardagin klokkan 12.00 verður triðja og seinasta umfar av Betri Stórkappingini á Tórsbreyt. Klokkan 18.00 leygarkvøldið verða heiðursmerkini handað úti á Skúlaheiminum, har vit eisini fara at hava eitt lítið afterparty, á sama hátt, sum seinastu árini.

Drúgvt er at telja upp og leggja saman øll úrslitini frá kappingunum, so í staðin fyri at brúka so nógva tíð uppá hetta á Tórsbreyt, vilja vit heldur hava eina hugnaliga løtu saman við íðkarum, venjarum, foreldrum og systkjum, tá alt er klárt.

AfterpartyNógv heiðursmerki verða at handa. Nr. 1, 2 og 3 í hvørjum árgangi í hvørjum kappingarslagi (spurti, miðteini, kasti og lopi) fáa heiðursmerki. Harafturat verður steyp latið til tey, sum hava fingið flest stig tilsamans í øllum kappingarsløgum í sínum aldursbólki. Hetta er tó bert galdandi fyri aldursbólkarnar frá 8-9 upp til 14-15 ár.

Vit fara tí at hava hetta tiltakið við heiðursmerkjahandan og døgverða úti á Skúlaheiminum frá klokkan 18.00.

Døgverðin verður ein ungdómsbuffet við øllum, sum hartil hoyrir. Kostnaðurin er 50 kr. fyri hvønn. Vit byrja kvøldið við heiðursmerkjahandan, so at tey, sum ikki ynskja at vera við til matin ikki nýtast at vera so leingi.

Støðurnar eftir fyrsta og annað umfar verða gjørdar upp nú, og kunngjørdar á facebook-vanganum fyrsta dagin. Støðurnar koma eisini at hanga á talvuni á Tórsbreyt.

Ein tilmelding er gjørd til Afterparty inni á tilmeldingarsíðuni. Ein tilmelding fyri hvønn persón Meldast skal til í seinasta lagi mikudagin kl. 13.00

Minnist eisini til at melda til sjálva kappingina. Seinasta freist at melda til er týskvøldið klokkan 22.00

 

Ein viðmerking

  1. Hey
    Hvussu ber tað til, at tá eg havi meldað okkum Øll til afterparty, koma nøvnini ikki at standa undir luttakarunum, men bíleggingin er send til mína mail adressu?
    Eru vit tá tilmeldaði?
    Vh
    Dan

Skriva viðmerking

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>