Home FÍF Enn eitt met til Rebekku Fuglø

Enn eitt met til Rebekku Fuglø

by Hallur Holm

Elsta føroyska metið hjá kvinnum, sum varð sett á Oyggjaleikunum á Álandi í 1991, bleiv tikið í triðja umfari í Grand Prix fyri børn og ung, sum var á Svangaskarði mikukvøldið.

Tað hendi tá 14 ára gamla Rebekka Fuglø úr Treystinum vann 400m teinin í harðari kapping við Vár Gregersen úr Frælsinum. Nýggja metið á 400m teininum er nú 64,3 sekund. Vár kom eisini á mál skjótari enn gamla metið og rann teinin uppá 65,6 sekund. Sera væl runnið av teimum báðum!

Gamla metið, sum Margreth Augustinusen úr Vági setti á Oyggjaleikunum í Mariehamn á Álandi 25. juni í 1991, var 68,17 sekund. Tað vil siga at hetta metið bleiv sett tvey ár áðrenn Rebekka Fuglø varð fødd. 

Bjørk Herup Olsen úr Bragdinum hevur runnið 400m teinin uppá 67,1 sekund á Svangaskarði í 2005, men var tað í blandaðari kapping, tvs. har bæði menn og kvinnur luttaka, og er tað tí ikki góðkent sum met.

3 comments
0

Related Articles

3 comments

Bjørk 24.08.07 - 17:29

Tá ið tit siga at “Grand Prix kappingin fyri børn og ung er grundarlag fyri úttøku til talentbólk undir FÍF”. Var talentbólkurin so tey sum fóru til Svøríki, ella liggur nakað meira í tí? 😀

Kristian Rakvåg 25.08.07 - 10:28

Gratulerer med 64.3 på 400 m til Rebekka! Ho kan vel setje ny ‘met’ på 200 m utandørs oxo?? 29.67 er ikkje så sterkt. Da vil Færøyane stå sterkare når rankinglista over kvinne-met skal oppdaterast etter 2007-sesongen. De ligg i 21. div. – på 8. plass. Sjå: http://home.no.net/krrakvag/div.women.htm

Rebekka (800, 1500) og Bjørk (1500, 3000) er nesten like gode som de beste norske jenter i sine årsklasser. Men vi har ei jente på 17 år som har sett europa-met på 3000 m hinderløp på 9.33 i år!!!!!

Bjørk 31.08.07 - 17:12

Fara nakrar myndir at koma frá Grand Prix kappingini?? 🙂

Comments are closed.