FM fyri vaksin komandi vikuskifti

Skrivað hevur

Leygar- og sunnudagin 18. og 19. august verður FM fyri vaksin hildið á Tórsbreyt. Kappast verður í øllum greinum uttan í stangarlopi og 10.000 m.

FM er í ár opin kapping, og FÍF vónar, at síggja øll “tey vanligu” umframt nógv nýggj andlit, sum hava hug at royna síni evni. Einast treyt fyri luttøku er at man er føddur í 2003 ella fyrr.

Sum nakað nýtt, so verður fyri fyrstu ferð FM fyri masters, sum eru íðkarar føddir í 1988 ella fyrr. Vit eiga nógvar góðar rennarar, men trupult er at fáa hesi á breytina at kappast, og tí hevur FÍF avgjørt at lata masters kappast í greinunum 1.500m og 5.000m. Masters-bólkarnir eru: 30-39, 40-49, 50-59, 60-69 og 70-79.


Opin bólkur og masters renna samstundis

Kappingargreinar leygardagin:

  • 100 m
  • 400 m
  • 800 m
  • 5.000 m
  • 400 m rimarenning
  • longdarlop
  • klingrukast
  • sleggjuvarp
  • 4×100 m boðrenning

Kappingargreinar sunnudagin:

  • 200 m
  • 1.500 m
  • 100/110 m rimarenning
  • 3.000 m forðarenning
  • hæddarlop
  • trístøkk
  • spjótkast
  • kúluvarp
  • 4×400 m boðrenning

Báðar dagarnar verður kappast frá klokkan 13.00 til 16.30.

Tilmeldingarsíðan er beint herFreistin at melda til er í annaðkvøld 14. august á miðnátt.

Skriva viðmerking

Your email address will not be published. Required fields are marked *

*