FM hálvmaraton, motiónsrenning og barnarenning

Skrivað hevur

Treysti skipar í ár fyri NS hálvmaraton í Klaksvík. Hetta verður samstundis FM í hálvmaraton. Talan verður um eitt sokallað býarhálvmaraton, tí tað verður bert runnið í býnum, á einum rundteini á 5,275 km. Umframt hálvmaraton so verður eisini skipað fyri 5 km motiónsrenning (stuðulsrenning fyri Sclerosufelagið) og barnarenning.

 

ns hálvmaraton klaksvik 2018

Startur og mál verða á vegnum millum høvuðsdeildina hjá Norðoya Sparikassa og Betesda. Hálvmaraton verður runnið fýra ferðir norður til Stangaskákið (Victor á Lakjuni) og út á Bumshamar (Torvgøtu) at venda. Hvørt umfar er 5,275 km.

Motiónsrenningin er eitt umfar av hesum rutu. Barnarenningin er eitt umfar runt “Lítla Eið”, sum er góðar 400m.

Talan verður um DAF-góðkendan hálvmaraton tein.

Fyri at luttaka í hálvmaraton skal ein vera fødd/føddur í 2001 ella fyrr. Øll er vælkomin at luttaka, men fyri at luttaka í FM er tað ein treyt, at man er limur í einum felag undir FÍF.

Samstundis, sum talan er um FM, so verður hetta eisini opin kapping har øll kunnu luttaka.

Tíð og stað
Startur uttanfyri Norðoya Sparikassa kl. 14.00. Barnarenningin byrjar kl. 13.30.

Billede:

Bólkar:
Í FM hálvmaraton verður kappast í hesum bólkum:
– Menn og kvinnur opin bólkur (f. -2001)
– Menn og kvinnur veteranar (f. 1963-1972)
– Menn og kvinnur superveteranar (f.1953-1962)
– Menn og kvinnur ultraveteranar (f.-1952)

Billede:

Í NS hálvmaraton Klaksvík 2018 verður kappast í hesum bólkum:
– Menn & Kvinnur B17-29    (1989-2001)
– Menn & kvinnur B30-39 (1979-1988)
– Menn & kvinnur B40-49 (1969-1978)
– Menn & kvinnur B50-59 (1959-1968)
– Menn & kvinnur B60-69 (1949-1958)
– Menn & kvinnur B70+    (1948 ella fyrr)

Billede:

Í 5 km Motiónsrenning verður kappast í hesum bólkum:
– Menn/kvinnur (f. 1973-2006)
– Menn/kvinnur veteranar (f. 1963-1972)
– Menn/kvinnur superveteranar (f.-1962)

Billede:

Í Barnarenningini verður kappast í hesum bólkum:
– Gentur/Dreingir -7 (f.2011 ella seinni)
– Gentur/Dreingir -10 (f.2008-2010)
– Gentur/Dreingir -13 (f.2005-2007)

Kostnaðurin fyri at luttaka:
NS hálvmaraton Klaksvík 2018 er kr. 295,-
NS Motiónsrenning er kr. 100,-  (fer óskert til Sclerosufelagið)
NS Barnarenning er kr. 50,-

Billede:

Renniblusa (hálvmaraton)
Tey sum melda til og hava goldið innan sunnukvøldið 15. apríl á miðnátt fáa eina renniblusu.
Gevið gætur: Renniblusan er bert galdandi fyri NS hálvmaraton.

Billede:

Heiðursmerkir og handan
Øll sum gjøgnumføra NS hálvmaraton Klaksvík 2018 fáa serligt heiðursmerki.
Nummar 1, 2 og 3 í øllum hinum kappingunum og bólkum fáa eisini heiðursmerkir, sum verða handaði við máløkið so skjótt úrslit eru klár.

Billede:

Tilmelding
Melda til á www.fif.fo (síðsta freist er mikudagin 2. mai 2018).
Leinkja til tilmelding til NS hálvmaraton er her
Leinkja til tilmelding til NS Motiónsrenning er her
Leinkja til tilmelding til NS Barnarenning er her.

Gevið gætur: Ongin tilmelding til hálvmaraton á staðnum. 

Til 5 km motiónsrenning og barnarenning kann meldast í Norðoya Sparikassa í seinasta lagi kl. 13.00 á rennidegnum.

Billede:

Startnummar
Avheintað startnummar frá kl. 11.30 í deildini hjá Norðoya Sparikassa (beint við startin) í Klaksvík 5. mai og áðrenn kl. 13.30. Barnarenningin áðrenn kl. 13.00.

Umklæðing
Umklæðing í Fimleikahøllini (300m frá startinum). Startnummarið til hálvmaraton gevur ókeypis atgongd til Klaksvíkar Svimjihøll.

 

Skriva viðmerking

Your email address will not be published. Required fields are marked *

*