4.Grand Prix B&U: Sólin er gul sum Treysti – Elsa Berg føroyskt met!

Mangan hevur Svangaskarð fingið skotið í skógvarnar, at vera eitt tað mest ómenniskjansliga staðið at leggja ein ítróttarvøll. Tað eru nokk eisini nøkur, sum hava fingið ein ordiligan umgang frá teimum meira illsintu veðurgudunum, tá tey hava vitjað á Svangaskarði.

Men soleiðis er ikki tá Treysti skipar fyri kappingum á Svangaskarði. Fjórðu kapping á rað á Svangaskarði fingu vit dýrdarveður, og sólstrálur so nógvar, at man skal fegnast um, at eingin húðlækni var at ávara. Løtan í kvøld gekk skjótt og tyktist næstan ov stutt.

Tað gekk sera væl at avgreiða kappingarnar í kvøld, har tað varð kappast á 60 m, 200 m, 800 m, kúlustoyti og longdarlopi. Dagsins úrsliti stóð Elsa Berg fyri, tá hon í longdarlopi ikki gjørdi mætari enn at seta nýtt føroyskt met! Elsa leyp 4,59 metrar, sum er 3 cm longri enn gamla metið. Tað metið átti Mona Breckmann, og er frá FM í fjør. Tær vera báðar tvær við til FM komandi vikuskifti, so har verður eina sera spennandi tvídystur um FM-gull og møguligt nýtt føroyskt met.

Hetta er annars triðja lop-metið Elsa setir í ár, og nú eigur hon metini í trístøkk, longdarlopi og hæddarlopi.

Øll úrslitini eru í .pdf her: GP 4 2011 úrslit og eru annars at finna her niðanfyri eisini: