Home FÍF Martin Gravesen endurvann FM-heitið

Martin Gravesen endurvann FM-heitið

by Hallur Holm

Í fjør vann Martin Gravesen sítt fyrsta FM-heiti, tá hann í Klaksvík vann FM í ½ maraton. Stutt eftir vann han eisini FM í maraton. Hann var tó ov stuttur at vinna Tórshavn Marathon í fjør, tí tað gjørdi Joe Dale úr London. Men Martin rann í ár heilar fýra minuttir skjótari enn í fjør, og vann ein greiðan sigur, bert minuttin frá rutumetinum.

Men hóast verjandi føroyameistarin rann fýra minuttir skjótari í ár, so var tað kortini eitt sindur óvæntað, at hann endurvann heitið. Tí Eirikur Hansen hevur verið í sínum besta formi seinastu tíðina, og ein tíð niður móti 2.45 lá líkasum í luftini. Byrjanin hjá Eiriki var eisini góð, men kreftirnar gingu óvæntað tíðliga undan. Uppi á Vegnum Langa fekk Martin runnið Eirik uppaftur, eftir at hava verið heilt fitt aftanfyri í Kaldbaksbotni. Eirikur hevði ikki orku at svara aftur, men motorurin hjá Martini koyrdi bara betur og betur. Heilt fram til málstrikuna sá Martin Gravesen sera sterkur út, og tað sá næstan út sum hann kundi runnið nógvar kilometrar afturat.

Martin Gravesen
Absalon Hansen fangaði hesa myndina, har Martin fyrst hevur runnið Eirik upp, og síðan er við at fara undan. Avgerandi løtan, metti Absalon, og er tað ivaleyst rætt. 

Hóast stóra skuffilsið hjá Eiriki, helt hann á at stríðast. Silvurmerkið kom ongantíð í vanda. Til tað var Cecil Weihe á triðjaplássi ov langt afturi. Allir tríggir FM-heiðursmerkjavinnararnir vóru undir teimum trimum tímunum. Veteranbólkin vann Martin Gravesen sjálvandi eisini. Her var Cecil nummar tvey og Páll H. Vesturbú nummar trý. Tað var annars Uni Svabo Joensen úr Frælsi, sum fekk bronsumerkið handað, men hetta er ein feilur, tíverri, sum má rættast.

Bert ein superveteranur var við í kappingini. Hans Birgir Hansen luttók í Tórshavn Marathon nummar 14 av 14. Hans Birgir gjørdist drúgvur hesaferð, og kom á málið aftaná 6 tímar og 24 minuttir.

Menn opin bólkur
Nr. Tíð Navn Felag Føðiár
1. 2.50.24 Martin Gravesen Bragdið 1967
2. 2.55.56 Eirikur Hansen Bragdið 1980
3. 2.58.53 Cecil Weihe Bragdið 1965
4. 3.06.58 Pauli Johannesen Bragdið 1974
5. 3.11.34 Niels Poulsen Bragdið 1972
6. 3.13.27 Lau Jensen Roysnið 1972
7. 3.37.18 Páll Højgaard Vesturbú Hvirlan 1961
8. 3.44.10 Herluf Hansen Bragdið 1973
9. 3.49.05 Anton Højgaard Roysnið 1977
10. 3.55.14 Uni Svabo Joensen Frælsi 1969
11. 3.57.48 Jóhan Heiðrikur Mouritsen Roysnið 1974
12. 4.08.59 Christian Olsen Bragdið 1962
13. 4.10.25 Dan Kruse Thomsen Bragdið 1970
14. 4.11.34 Bogi H. Højgaard Bragdið 1984
15. 4.26.43 Sofus Poulsen Frælsi 1965
16. 6.24.32 Hans Birgir Hansen Bragdið 1949
13 DNF Helgi Johannessen Roysnið 1967
7 ? Rúni Simonsen Bragdið 1973
16 ? Paul Kragesteen Bragdið 1964
Menn veteranar
Nr. Tíð Navn Felag Føðiár
1. 2.50.24 Martin Gravesen Bragdið 1967
2. 2.58.53 Cecil Weihe Bragdið 1965
3. 3.37.18 Páll Højgaard Vesturbú Hvirlan 1961
4. 3.55.14 Uni Svabo Joensen Frælsi 1969
5. 4.08.59 Christian Olsen Bragdið 1962
6. 4.10.25 Dan Kruse Thomsen Bragdið 1970
7 4.26.43 Sofus Poulsen Frælsi 1965
DNF Helgi Johannessen Roysnið 1967
? Paul Kragesteen Bragdið 1964
Menn superveteranar
Nr. Tíð Navn Felag Føðiár
1. 6.24.32 Hans Birgir Hansen Bragdið 1949

 

0 comment
0

Related Articles