Sera væleydnað venjaraskeið

Leygar- og sunnudagin skipaði FÍF fyri skeið fyri Motiónsrennivenjarar. Skeiðið bleiv hildið í ÍSF-húsinum í Havn, og vóru 22 luttakarar við. Venjarar úr øllum seks feløgunum vóru við, og tað eru vit í FÍF sera væl nøgd við.

Skeiðshaldari var David Møller frá Dansk Atletikforbund. Hann arbeiðir í løtuni hjá DAF, har hann serliga tekur sær av “MotionDANMARK”, sum bleiv stovnsett í 2011 við tí endamáli, at geva danskarum tað bestu vitan og íblástur til venjing og motión, og inn í feløgini fyri frælsan ítrótt.

Báðar dagarnar vóru partar av skeiðnum, hóast veðrið, avgreiddir uttandura, og bleiv runnið á Tórsbreyt, á Ovara Vølli og í Plantasjuni. Flestu av venjingunum vóru so soleiðis skipaðar, at tær vóru socialar, at øll óansæð evnir og venjingarstøðu kundu luttaka, og tað sum er sera týdningarmikið og ein rættiliga stórur partur av tí heila: AT HAVA TAÐ STUTTLIGT .

Evnini á skeiðnum vóru:

– Renniteknikkur (innandura) verkligt. Hvussu fært tú so góðan teknikk sum gjørligt?
– Renning og styrkivenjing 
– Skaðar og skaðafyribyrging
– Venjaraleikluturin
– Intensiv venjing. Undir venjingini bleiv greitt frá venjingarprinsippum.
– Rennitypur og motivatión (hvussu kann rennifelagið gerast enn betri?)
– Aerob venjing (uttandura) verkligt.
– At leggja venjingarætlan. Hvussu arbeiða vit, og nær gera vit hvat?

Skeiðluttakararnir vóru allir sera væl nøgdir og fóru heimaftur til feløg og íðkarar við nógvum nýggjum íblástri. Vónandi gevur skeiðið øllum venjarunum góð og betri amboð í venjaraarbeiðstaskuna.

Niðanfyri eru nakrar myndir frá skeiðnum:

David Møller kom sera væl frá uppgávuni sum skeiðhaldari

Hvirlan (Birna) og Bragdið (Ann) samstarva

Christian við Astrid á bakinum

“The flying KØLLE”

David liggur á gólvinum og vísir hvussu gerast skal

David er í góðum fysiskum formi og lá sera væl fyri hjá honum at vísa ymisk øvilsir

Niels Jákup og Henrik heilast í einum av øvilsunum

Ann og Birna heilsast

Her skulu tey sláa hvønn annan á fingrarnar

Tað var ikki bert hjá Susan, at tað bleiv hart at gera búkøvilsir

Planki við makkara, sum heldur báðum beinum uppi og so sleppur øðrum

Jan Elmar og Arnfinn kom væl útav tí við øvilsunum

Gott við góðum makkarum

Vænti nógv kenna seg aftur í hesum !

Herluf og Anna Maria vóru væl nøgd

David greiðir frá

Sjálvdan hesir báðir eru so friðaligir

Debes, Arnfinn og Jóannes fylgja væl við

Susan, Astrid og Regin gera tað sama

Marnar og Christian

David greiðir frá um rennitypur og hvat motiverar rennarar

Henrik er væl nøgdur, meðan Arnfinn fylgir við

Her síggja teir eitt sindur veðurbardir út

…og so var tað eisini matur á skránni

…lekkirt halda tær Súsan, Susan, Laila og Astrid !!!

Allir luttakarar fingu hvør sína t-shirt frá FÍF

Standandi fv. David, Regin, Súsan, Birna, Arnfinn, Birna, Susan, Arnfinn, Marnar, Astrid, Christian, Henrik, Jóannes og Laila.
Húkandi fv. Anna Maria, Niels Jákup, Herluf, Finn og Debes. Á myndini mangla Jan Elmar, Ann, Maria Svabo og Gutti (myndamaður)