Skráin til venjaraskeiðið um vikuskiftið

Tað er stak góð undirtøka  fyri venjaraskeiðinum, sum verður í ÍSF-húsinum um vikuskiftið. Skeiðið er við at verða fullteknað nú, og øll okkara seks feløg eru umboðað millum teir 25 skeiðsluttakararnar. Leygardagin fer ein partur fram í fimleikarhøllini á Læraraskúlanum, so tá skulu tit hava innanduraklæðir við. Ongar skógvar við svørtum botni! Og sjálvandi skulu tit eisini hava klæðir til renning uttandura. Matinum syrgir FÍF fyri.  Skráin fyri dagarnar sær soleiðis út:

Hittast leygarmorgunin kl. 9.55 í ÍSF-húsinum.

Leygardagur 16. november:

10.00 – 10.30: Vælkomin, gjøgnumgongd av skránni og presentatión – ÍSF-húsið!

10.45 – 11.20: Renniteknikkur, verkligt. Hvussu fært tú so góðan teknikk sum gjørligt?

11.25 – 12.30: Renning og styrkivenjing (lop alternativ styrki og core)

12.30 – 13.00: Bað og skifting – Føroya Læraraskúli

13.00 – 13.45: Matarstøðgur

13.45 – 15.00: Skaðar og skaðafyribyrging

15.00 – 16.00: Venjaraleikluturin

Sunnudagur 17. november

10.00 – 11.45: Intensiv venjing. Undir venjingini verður greitt frá venjingarprinsippum.

11.50 – 12.30: Rennitypur og motivatión (hvussu kann rennifelagið gerast enn betri?)

12.30 – 13.35: Matarstøðgur

13.40 – 14.45: Aerob venjing, verkligt.

14.45 – 15.15: Bað og skifting – Svimjihøllin

15.15 – 15.50: At leggja venjingarætlan. Hvussu arbeiða vit, og nær gera vit hvat?

Skal heilsa frá David Møller, at hann gleðir seg at hitta tykkum

Tíðirnar eru vegleiðandi, og kunnu verða broyttar.