Fýra nýggj met settu Hvirluíðkarar, tað FM bleiv hildið á Tórsbreyt um vikuskiftið. Tvey hjá monnum og tvey hjá kvinnum. Líkindini at kappast vóru av teimum allarbestu báðar dagarnar og tað gekk sera væl at avgreiða allar kappingarnar til tíðina.

Tórur, Miso, Dánjal og Magnus settu tvey met í boðrenning til FM

Leygardagin var tað 4x100m boðrenning metið á 46,2 sek., sum bleiv sett á Oyggjaleikunum í Føroyum í 1989 og tangerað til FM í 1992, íð fall. Teir fýra, Magnus D. Christiansen, Dánjal D. Ljósheim, Miso Buha og Tórur Mortensen runnu teinin uppá 45,18 sek. Sunnudagin runnu teir somu 4x400m boðrenning, og mín sann um teir enn einaferð settu nýtt met. Metið íð var frá Oyggjaleikunum á Álandi í 1991 uppá 3.37,05 min er nú 3.36,67 min.

Sunniva setti met í spjótkasti

Elsta metið hjá kvinnunum var frá 2007, tá Randi Kúrberg kastaði spjótið út á 36,70m. Til FM var tað Sunniva Bogadóttir, sum bøtti hetta metið til heilar 38,46m. Á Oyggjaleikunum setti Lydia Simonsen nýtt met í kúlustoyti og vann bronsu við 11,18m, men til FM setti hon met tríggjar ferðir. Fyrst til 11,22m í triðju royndini, síðani til 11,58m í fimtu roynd og so til heilar 11,78m í seinastu royndini.

Lydia setti met í kúlustoyti

Annars vóru nógv góð avrik at síggja til FM, hóast ynskiligt er at fleiri íðkarar luttaka

FÍF vil takka øllum íðkarum, dómarum, hjálparfólkum og fjepparum fyri eitt gott FM 2019.

Øll úrslit er í .pdf her: Úrslit FM2019

Myndir, sum Bjørg Svabo tók, eru í myndasavninum hjá Hvirluni:Myndir leygardag  og Myndir sunnudag