Home FÍF Úrslitini frá GP2 fyri børn og ung

Úrslitini frá GP2 fyri børn og ung

by Guttorm Sørensen

Her eru úrslitini frá 2. Grand Prix sum var á Svangaskarði mikukvøldið 24. juni kl. 19.00. Líkindini vóru av teimum allarbestu og gekk tað avbera væl at avgreiða kappingarnar. Tíverri mátti kappingin í longdarlopi  avlýsast, tí eitt stórt tjald stóð á økinum, har longarlopi skuldi vera. Hetta kom sera illa við hjá fyriskiparunum úr Treysti og FÍF, og vónandi hendir slíkt ikki aftur. Kappingarnevndin hevur avgjørt, at samlaða úrslitið í longdarlopi verður samlaða stigatalið fyri GP1 og GP3.

Fleiri góð úrslit vóru at síggja, og vístu teir báðir oyggjaleikaluttakararnir sum luttóku, Rúni Seloy og Rebekka Fuglø, góðar taktir nú leikirnir verða settir leygarkvøldið.

Gloymd klæði: Tvey klædnapløgg lógu eftir aftaná loknar leikir. Ein svørt Nike sveittaundirtroyggja str. 10/12 ár  og ein grá hettutroyggja við ymiskum grønum bókstavum á. Eigur tú okkurt av hesum pløggum, kanst tú ringja til Hall á tlf 228 338.

Øll úrslitini er at finna í .pdf  formati niðanfyri:

Spurtteinar
Miðteinar
Kúlustoyt

Samlaða støðan eftir nú 2 av teimum 3 umførunum eru avgreidd, verður kunngjørd her á síðuni ein av komandi døgunum.

Triðja og seinasta umfar í Grand Prix fyri børn og ung 2009 verður á Tórsbreyt mikudagin 19. august og tá er tað Hvirlan og FÍF í fyriskipa.

gpbu-runi   gpbu-rebekka 
Rúni Seloy og Rebekka Fuglø runnu væl á Svangaskarði

gpbu-kamera
Nýggja el-tíðarútgerðin hjá FÍF bleiv brúkt á Svangaskarði fyri fyrstu ferð

gpbu-200m-dr
Dreingir 14-15 og 18-19 eru júst skotnir avstað á 200m

gpbu-g12-13
Debes hevur júst skotið gentur 12-13 avstað á 800m teininum 

gpbu-g8-9
Gentur 8-9 eru júst byrjaðar uppá 800m teinin

gpbu-d10-11
Dreingir 12-13 beint eftir startin á 800m teininum

gpbu-telt
Sum sást á hesi myndini, so stendur eitt stórt telt, har longdarlop skuldi vera

0 comment
0

Related Articles