Úrslitini frá Sundalagsstevnuni í Streymnesi leygardagin

2. umfar av Grand Prix stevnurenningini varð runnið í Streymnesi og Hvalvík leygardagin. Bragdið fyriskipaði kappingina, og teir høvdu gjørt nógv burturúr. Bæði málportalur og chiptíðtøka var tikið í nýtlsu á degnum, og hetta setti sín serliga dám á. Harafturat var veðrið næstan líka gott sum í Havn, so øll vóru í góðum lag. Undirtøkan var á einari leið, men spenning um oddasessirnar fingu vit ikki. Rebekka Fuglø og Sam Vang vóru eirindaleys, og vunnu opnu kappingarnar við úti við einum minutti. Regin Thomsen úr Roysninum hevur støðugt tikið seg fram síðani tíðliga í vetur, og á degnum vann hann sær og sínum felagið eitt flott silvurmerki. Hetta gjørdi hann við at halda Halli Holm í skák heilt á málið. Hjá kvinnunum var tað Rigmor N. Arge, sum bleiv nr. 2 ein lítlan minutt framman fyri Durutu R. á Lofti.

Aftaná var barnarenning á skránni, og her fingu vit nakrar sera spennandi kappingar at síggja.

Gentur og dreingir 11-13 ár góvu okkum eina sera flotta og spennandi kapping. F.v. Maria, Pauli, Ludvík, Oddvør, Steintór og Dánjal.

Fleiri myndir (heilt óalmindiliga góðar!) sum Jógvan Glerfoss hevur tikið, eru á hesi slóðini: http://www.bragdid.fo/?page_id=3101&album=12&gallery=122

Her eru úrslitini frá 2. Grand Prix, sum varð hildið í Streymnesi í samband við Sundalagsstevnuna.

VAKSIN

BØRN, UNG OG MOTIÓNSRENNING