Vetrarrennarar treiskaðust landssynningin

Skrivað hevur

Í dag hevur Bragdið skipa fyri FM í lendisrenning. Kappingin, sum fór fram í Hoydølum, var samstundis eisini fimta umfar av TF-Vetrarkappingini. Veðrið var so sum so. Men tað kom ikki óvart á nakran. Hann hevur alla vikuna lovað storm og regn til okkara kapping. Kortini hava fólk meldað til í stórum tali. Ja, aftur í ár gjørdist talan um metluttøku til eitt FM í lendisrenning, og tað eru vit sera stolt av – vetrarrennararnir eru sanniliga eitt serligt og treiskt fólkaslag.

Tað komu bert tveir fyrispurningar um kappingin mundi fara at verða útsett. Onnur var frá 3-2 og hin úr Klaksvík, har teir á fyrsta sinni sóu Sam hava trupulleikar at leggja til bryggju í Klaksvík, samstundis sum útvarpið tosaði um vindferð heilt upp 30-33 m/s og grimdarregn var nógvastaðni.

Start FM Cross

Starturin fyrrapartin (mynd: Einar Vang)

So ringt var tó ikki í Hoydølum. Tað regnaði bert eitt sindur, tá vit byrjaðu klokkan gott 11. Og hóast vindurin var nógvur, so darvaði hann bert í einstøkum pørtum av rutuni, sum fyri tað mesta var á fløtuni framman fyri Studentaskúlan, og við einari 400 m longum túri niðan í viðarlundina. Børnini runnu tvey umfør (2,6 km) og tey vaksnu runnu seks umfør ( 7,9 km).

Við einum sermerktum undantaki formaði kappingin seg, nøkulunda á sama hátt, sum seinastu kappingarnar hava gjørt. Undantakið var 21 ára gamla danska  Emma Klingenberg, sum vann á øllum monnunum uttan Marnari Djurhuus. Emma gongur á læraraskúla í Århus, og er í starvsvenjing í Føroyum í seks vikur. Hon var tí ikki partur av FM. Føroyameistari hjá kvinnunum gjørdist Rebekka Fuglø, Treysti, sum nokk so tíðliga í kappingini fekk rímiliga trygga frástøðu aftur til eina eisini væl rennandi Rigmor N. Arge, Hvirlan. Tórvør Ø. Vang kom triðja um málið.

Sum sagt gjørdist Marnar Djurhuus vinnari, og samstundis var hetta triðja árið á rað, at hann bleiv føroyameistari hjá monnum! Tíðin í ár var ikki eins góð sum í fjør, men Marnar metir tó, at hann er í betri formi, og at hann rann lutfalsliga betur enn í fjør. Vindurin og váta lendið tóku tó broddin av toppferðini. Júst somu metingar gjørdi Sam Vang, Bragdið, sum gjørdist ein tryggur nummar tvey. Sam hevur vant væl í vetur, og í løtuni sær ikki út til, at nakar kann hótta hansara støðu sum “nummar tvey eftir Marnar”. Kappingin um triðja pláss sá út til at gerast spennandi. Eirikur Hansen og Hallur Holm, báðir Bragdið, fylgdust øll tey fyrstu fimm umførini, men beint áðrenn farast skuldi út á sætta og seinasta umfar, gleið Eirikur, og misti tí avgerandi metrar til Hall. Sostatt kom Hallur fyri fyrstu ferð hendan veturin á sigurspallin, tá heiðursmerkini í opna bólkinum vórðu handað.

Henry Olsen, sum hevur vunnið fýra tey fyrstu umførini hjá veteranunum, var ikki við í dag. Nýggjur vinnari var Hallur Holm. Jóhan “Dardus” Jacobsen, Roysnið hevur verið sera nær við topp trý fleiri kappingar, men nú tað umsíður eydnaðist, kom hann heilt fram á silvurplássið. Guttorm Sørensen, Treysti, bleiv nummar trý. Jens R. Weihe, Frælsi, vann enn eina kapping og eitt FM-heiti, meðan Pól Sundskarð og Gunnar Simonsen, báðir Treysti, blivur ávikavíst nummar tvey og trý.

Ann Thomsen, Bragdið, hevur ikki vunnið allar kappingarnar fyri veteranar í vetur. Men hon hevur vunnið allar kappingarnar, sum hon hevur luttikið í. Og tað gjørdi hon aftur í dag í stórum stíli. Í kappingini um annað plássið eydnaðist hesuferð Hergerð Heldarskarð at taka seg fram um Astrid Joensen, sum annars førir kappingina hjá veterankvinnunum. Tað hevur verið sera gleðiligt at síggja stóru luttøkuna hjá kvinnuveteranum higartil í ár. Vónandi fer góða gongdin at halda á.

Fleiri teirra, sum kappaðust turrskødd innandura í Íslandi farna vikuskifti, vóru komin aftur í vanliga føroyska veðurlagið. Maria Biskopstø og Oddvør Josehpsen, sum báðar vunnu gylt í Íslandi, vóru einsamallar gentur í dag. Tær hava runnið manga harða kapping móti hvørji aðrari,  og so var aftur í dag. Eins og vesturi í Sørvági var tað aftur hesuferð Maria, sum dróg longra stráðið, og hevur hon nú lagt seg á odda í samlaðu kappingi, samstundis sum hon gjørdis føroyameistari í lendisrenning.

Av átta dreingjum, høvdu heilir fimm teirra verið í Íslandi og kappast. Gunnar Sivertsen, Treysti, fekk prógvað, at sterku úrslitini hann fekk í Stórmót, ikki vóru av tilvild. Í dag vann hann ein rættiliga greiðan sigur. Nýggja stjørnuskotið hjá Bragdinum, Niklas Kruse, bleiv nummar tvey. Men her var kappingin meira jøvn, tí skamt aftanfyri komu teir báðir Rúni Skarðhamar, Roysnið, og Steintór Egholm, Bragdið. Her gjørdist tað Rúni, ið fór avstað við bronsuni, meðan Steintór stóð eftir við ongum.

Aftaná lokna kapping, varð boðið til góðan drekkamunn við vaflum og øllum tí góða, sum hartil hoyrir. Nú eru bert trý umfør eftir av TF-Vetrarkappingini. 6. umfar verður runnið á Fossanesi 15. februar, tá Treysti skipar fyri. 7. og næstseinasta umfar verður í Vági 8. mars, tá Hvistan skipar fyri, og finalan verður 22. mars í Runavík, tá Roysnið samstundis skipar fyri FM í 10 km landavegsrenning.

Bragdið og FÍF takka Føroya Studentaskúla fyri innivist og Umhvørvisstovuni fyri vælviljan at renna á økinum.

Myndir hjá Einar Vang eru at finna her: TF VK-5 & FM Lendisrenning 2014

Úrslit frá FM í Lendisrenning í Hoydølum 1. februar 2014 kl. 11.00
Dreingir 1998-2002 – uml. 2,6 km
1 11.24 Gunnar Ei. Sivertsen 1999 Treysti
2 12.09 Niklas Kruse 1999 Bragdið
3 12.20 Runi Skarðhamar 1999 Roysnið
4 12.26 Steintór Egholm 2000 Bragdið
5 13.15 Jákup Dahl Ljósheim 1998 Hvirlan
6 13.31 Dánjal Dahl Ljósheim 2000 Hvirlan
7 14.40 Hans Ei. Sivertsen 2001 Treysti
8 14.45 Ingi Johannessen 2002 Roysnið
Gentir 1998-2002 – uml. 2,6 km
1 12.50 Maria Biskopstø 2002 Treysti
2 13.03 Oddvør Josephsen 2001 Treysti
Mans unglingar 1993-1997 – uml. 8 km
1 32.24 Marnar Djurhuus 1995 Treysti
2 36.34 Einar Gregersen 1995 Treysti
3 37.39 Teitur Bjarnastein 1997 Bragdið
Kvinnu unglingar 1993-1997 – uml. 8 km
1 38.25 Rebekka Fuglø 1993 Treysti
Menn -1997 – uml. 8 km
1 32.24 Marnar Djurhuus 1995 Treysti
2 34.34 Sam Vang 1970 Bragdið
3 35.19 Hallur Holm 1967 Bragdið
4 36.29 Eirikur Hansen 1980 Bragdið
5 36.34 Einar Gregersen 1995 Treysti
6 37.39 Teitur Bjarnastein 1997 Bragdið
7 38.00 Jan Elmar Sørensen 1991 Treysti
8 38.04 Jóhan M Jacobsen 1966 Roysnið
9 38.08 Jóhan Simonsen 1969 Bragdið
10 38.37 Guttorm Sørensen 1968 Treysti
11 38.56 Jonhard Larsen 1966 Treysti
12 38.56 Arnfinn Johannessen 1965 Roysnið
13 39.00 Marnar Pattinson 1970 Roysnið
14 39.05 Jens Weihe 1947 Frælsi
15 39.35 Hjalmar Sjóvará 1966 Bragdið
16 40.25 Herluf Jakobsen 1963 Bragdið
17 42.03 Kàri Simonsen 1959 Bragdið
18 42.03 Hilmar Høgenni 1962 Bragdið
19 42.11 Pól Sundskarð 1957 Treysti
20 42.58 Egil Olsen 1963 Roysnið
21 43.30 Arnfinnur Helmsdal 1970 Bragdið
22 44.24 Rúni Simonsen 1973 Bragdið
23 44.38 Rani Rasmussen 1985 Roysnið
24 45.55 Gunnar Simonsen 1952 Treysti
25 46.20 Jóanes Ortind 1951 Bragdið
26 47.11 Jan Egholm 1972 Bragdið
27 47.26 Robert Vilhelmsen 1951 Bragdið
28 47.54 Júst Túni 1986 Treysti
Kvinnur -1997 – uml. 8 km
(1) 34.16 Emma Klingenberg 1992 Gesta rennari
1 38.25 Rebekka Fuglø 1993 Treysti
2 40.45 Rigmor N. Arge 1969 Hvirlan
3 42.08 Tórvør Østerø Vang 1969 Bragdið
4 43.50 Ann Thomsen 1966 Bragdið
5 44.43 Birna Mohr Joensen 1970 Hvirlan
6 47.34 Hergerð Heldarskarð 1968 Bragdið
7 47.42 Maria Svabo Hansen 1972 Bragdið
8 49.42 Astrid Joensen 1967 Roysnið
9 49.55 Eydna Weihe 1969 Bragdið
10 50.39 Birna Mohr Abrahamsen 1970 Hvirlan
11 53.18 Anna Sofía Eysturoy 1963 Bragdið
12 53.59 Adelaid Kirke 1968 Hvirlan
13 54.39 Bjørg Nielsen 1974 Bragdið
14 55.00 Tina Kruse Dam 1977 Bragdið
15 58.27 Jóhanna Vang 1964 Bragdið
16 61.24 Eyðna Simonsen 1964 Bragdið
17 61.33 Johanna Egholm 1975 Bragdið
18 65.24 Ingun Olsen 1959 Bragdið
Menn Veteranar 1959-68 uml. 8 km
1 35.19 Hallur Holm 1967 Bragdið
2 38.04 Jóhan M Jacobsen 1966 Roysnið
3 38.37 Guttorm Sørensen 1968 Treysti
4 38.56 Jonhard Larsen 1966 Treysti
5 38.56 Arnfinn Johannessen 1965 Roysnið
6 39.35 Hjalmar Sjóvará 1966 Bragdið
7 40.25 Herluf Jakobsen 1963 Bragdið
8 42.03 Kári Simonsen 1959 Bragdið
9 42.03 Hilmar Høgenni 1962 Bragdið
10 42.58 Egil Olsen 1963 Roysnið
Kvinnur veteranar -1968 – uml. 8 km
1 43.50 Ann Thomsen 1966 Bragdið
2 47.34 Hergerð Heldarskarð 1968 Bragdið
3 49.42 Astrid Joensen 1967 Roysnið
4 53.18 Anna Sofía Eysturoy 1963 Bragdið
5 53.59 Adelaid Kirke 1968 Hvirlan
6 58.27 Jóhanna Vang 1964 Bragdið
7 61.24 Eyðna Simonsen 1964 Bragdið
8 65.24 Ingun Olsen 1959 Bragdið
Menn superveteranar -1958 – uml. 8 km
1 39.05 Jens Weihe 1947 Frælsi
2 42.11 Pól Sundskarð 1957 Treysti
3 45.55 Gunnar Simonsen 1952 Treysti
4 46.20 Jóanes Ortind 1951 Bragdið
5 47.26 Robert Vilhelmsen 1951 Bragdið

 

 

 

 

 

Skriva viðmerking

Your email address will not be published. Required fields are marked *

*