VK5 og FM í lendisrenning leygardagin

Skrivað hevur

Leygardagin 3. februar kl. 11.00 skipa Bragdið og FÍF fyri rennikapping í Hoydølum, sum bæði er FM í lendisrenning og samstundis 5. umfar av Betri Vetrarkappingini. Hetta verður áttanda árið, at FM í lendisrenning verður í vøkru og veðurgóðu Hoydølum, beint frammanfyri Studentaskúlan, sum eisini verður karmur um tiltakið. Her verður umklæðing og brúsa, heintan av bringutølum og ein góður kaffimuður aftaná.

Runnið verður á bleytum undirlagi allan vegin runt. Einasta asfaltið rennast skal á, er tá farast skal um vegin niðan í og oman úr viðarlundini. Men har verður okkurt bleytt lagt á vegin, so rennast kann allan vegin í píkaskóm, um man ynskir tað.

Viðmælt verður, at renna í skóm við grovum botni ella í píkum.

FM lendisrenning - rutan
Renniteinurin, sum hann bleiv teknaður til fyrstu kappingina í Hoydølum í 2011. Hann er eitt vet broyttur við einari krýllu á fløtuni. Prestar og sperribond vísa røttu leiðina

Rennast skulu seks umfør á góðar 1300 metrar, ella beint um átta kilometrar tilsamans. Børnini renna tvey umfør. Tilmelding fer fram online á HESI SLÓÐINI í seinasta lagi fríggjakvøldið kl. 22.00. Tað ber eisini til at tekna seg til kappingina leygarmorgunin á staðnum frá kl. 10.00 til 10.30.

VK5-1
Startur og mál er á fløtuni framman fyri Studentaskúlan. Børnini renna tvey umfør, ella tilsamans um 2,7 km. Hans, Oddvør og Hans Erland hava øll trý verið sera drúgv í Vetrarkappingini øll tey seinnu árini.

Kappast verður í hesum bólkum:

-Kvinnur / menn opin bólkur (f. -2001)
-Kvinnur veteranar / Menn Veteranar (f. 1963-1972)
-Kvinnur/Menn Superveteranar (f. 1953-1962 )
-Kvinnur/Menn Ultraveteranar (f. 1952 ella fyrr)
-Kvinnuunglingar / Mansunglingar (f. 1997-2001)
-Gentur / Dreingir (f. 2002-2006)

VK5-6
Hart, hugnaligt og øðrvísi – lendisrenningin í Hoydølum er nakað heilt serligt, plagar Krista at taka til ;-)

Um tú ikki sást tilmeldingarslóðina longur uppi í tekstinum, so er hon eisini HER

FM Cross 2011 Hoydalar 009
Málið er árakað flaggstongina

 

 

 

Skriva viðmerking

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>