Home Góð ráð Leiðreglur hjá Frælsum Ítrótti Føroya ísv. venjing og kappingar undir koronastøðuni

Leiðreglur hjá Frælsum Ítrótti Føroya ísv. venjing og kappingar undir koronastøðuni

by Sølvi Reinert Hansen


FÍF hevur samskift við Korona-ráðgevingina um leiðreglur, sum vit koma at fylgja komandi tíðina.

Yvirskipað verður lagt upp til, at vit bíða við rennikappingum á vegi (einkultstartir, tykisreningar og líknandi undantikið), til myndugleikarnir ikki longur frámæla, at fólk savnast í størri bólkum.

Kappingar á breyt verða fyriskipaðar, sum ætlað, sambært upprunaligu kappingarskránni.

T.v.s. at næstu kappingarnar eru:
ley. 09/05 1. BETRI Stórkapping á Tórsbreyt (Bragdið)
ley. 23/05 2. BETRI Stórkapping á Tórsbreyt (Hvirlan)
ley. 13/06 3. BETRI Stórkapping á Tórsbreyt (Treysti/Roysnið)

Tó verður hædd tikin fyri leiðreglunum niðanfyri.

Leiðreglurnar eru hesar:

Venjing
-Venjing eigur at fara fram í smáum bólkum við í mesta lagi 10 íðkarum.
-Reinføri og tveir metra frástøða skal virðast.
-Reiðskapur verður ikki nýttur av fleiri fólkum, uttan at hann verður sprittaður ímillum.
-Umklæðing fer fram heima
-Hæddarlopsmadrassan skal sprittast inn ímillum

Kappingar í frælsum ítrótti í breyt
Í samband við kappingar á breyt skulu hesar meginreglur fylgjast:

-Umklæðing fer fram heima.
-Eingir áskoðarar eru til kappingarnar.
-Íðkarar skulu ikki savnast í størri bólkum.
-Reinførið og tveir metra frástøða skal virðast. Undantakið er í kappingarstøðu í renning. Í startpositiónini er 1 metur ímillum rennararnar og eru teir í hesi støðu í mesta lagi í 30 – 60 sek.
-Reiðskapur verður ikki nýttur av fleiri fólkum, uttan at hann verður sprittaður ímillum.
-Hæddarlopsmadrassan verður sprittað ímillum hvørja kapping.

Rennikappingar á vegi
-Vanligar rennikappingar á vegi eru fyribils útsettar, til tað verður mett trygt hjá fólki at savnast aftur.
-Tá tað verður mett trygt at renna í bólki aftur, verður byrjað í bólkum við í mesta lagi 10 fólkum í hvørjum, sum verða spjaddir við hóskandi frástøðu.
-Einkultstartskappingar og tykisrenningar eru loyvdar beinanvegin. Í einkultstartsrenningum skal í minsta lagi 1 minuttur vera millum hvønn start, og einstaki rennarin má ikki møta á startmálinum meiri enn 1 minutt áðrenn startin.

0 comment
0

Related Articles