Home Komandi tiltøk Kirkjurenning jólaaftansmorgun

Kirkjurenning jólaaftansmorgun

by Hallur Holm

Sum vanligt seinastu mongu árini, skipar Hvirlan fyri kirkjurenning jólaaftansmorgun kl. 10.00. Hetta er longu trettanda árið, at hendan kirkjurenningin, sum fer fram í millum kirkjurnar í Suðurstreymoy, verður fyriskipað.

Byrjað verður á Tórsbreyt kl. 10.00 við at fólk flokka seg til ymsu ruturnar. Fýra leiðir eru at velja ímillum:

  1. 2,5 km – lættur túrur niðan í Hoyvíkar kirkju og oman aftur.
  2. 7,5 km – har runnið verður fram við nøkrum kirkjum í býnum.
  3. 11,5 km – runnið verður fram við øllum kirkjum í býnum.
  4. 30,0 km – tann drúgvi túrurin við øllum kirkjum í Suðurstreymoy á skránni (vanligt er at vera aftur í Havn um 12.30-13.00, men til ber eisini at renna til Kirkjubøar og fáa skjúts heim aftur)

Ruturnar eru at síggja her.

Eins og undanfarin ár eru øll hjartaliga vælkomin við – eisini útisetar og tey, ið bara hava hug at renna ein stuttan túr og fáa fríska luft. Hóast veðrið ikki altíð hevur verið líka gott, hava tó altíð eini 60-80 fólk møtt til tiltakið.

kirkjurenning2015
Teir flestu kirkjurennararnir avmyndaðir undan fráferð í fjør

Tiltakið er ókeypis og uttan tilmelding. Hvirlan vil í ár stuðla “Í menniskjum góður tokki”, og tí ber til hjá teimum, ið luttaka at lata pening ‘í talvuna’ ella flyta á kontu 9181-166.834.1 og viðmerkja Kirkjurenning. Peningurin fer óskerdur til “Í menniskjum góður tokki”.

0 comment
0

Related Articles