Tað vóru framúr gððar renniumstøður, tá Roysmið í morgun skipaði fyri FM í 10 km. 50 luttakarar vóru til byrjan og bleiv talan um sera góðar tíðir hjá teimum allarflestu og fleiri persónlig met á 10 km teininum. Rutan í Runavík er uppmátað og DAF-góðkend.

Kappingin er júst sett í gongd

Tá startlistarnar vóru klárir, so vóru tey bæði Julian Gregersen og Rebekka Fuglø úr Treysti, at meta sum favorittar hjá monnum og kvinnum. Bæði høvdu eisini ætlanir um at renna skjótt. Og so varð. Julian feyk avstað og lat als ongan iva verða um sigurin. Hann rann eina ómetaliga góða kapping og kom á mál í tíðini 32.24 min. sum er stórt persónligt met hjá honum. Hann megnaði enntá at yvirhála allar kappingarneytar við minst einum umfari. Næstur á mál var eitt nokkso nýtt navn í rennihøpi. Talan er um Toftamannin Bjarka Johannesen, sum umboðar Roysnið. Hann rann eisini sera væl í síni allarfyrstu 10 km renning og kom á mál í tíðini 36.50 min. Eina løtu var kapping um triðjaplássið millum unga klaksvíksingin Torgeir Petersen, sum eisini er nýggjur rennari, og Peter Jensen úr Bragdið, men Torgeir bleiv tíverri illa fyri og mátti gevast. Peter bleiv nummar trý í tíðini 37.17 min.

Bjarki Johannesen, Julian Gregersen og Peter Jensen

Julian kemur á mál og klokkan vísti 32.24 min.

Hjá kvinnunum bleiv skjótt greitt hvussu raðfylgjan fór at verða. Spurningur var heldur hvussu góðar tíðirnar blivu. Rebekka rann sera væl, vann og setti persónligt met við tíðini 37.24 min. Á øðrumplássi kom Sarah Valin í tíðini 39.04 min. Meðan Rigmor N. Arge bleiv nummar trý í tíðini 40.19 min.

Rebekka á veg út á seinasta umfar

Sarah Valin, Rebekka Fuglø og Rigmor N. Arge

Hesi runnu eisini væl í dag

Øll úrlit eru at finna á hesi leinkjuni: Úrslit FM 10 km 2020

Myndir, sum Gutti tók av renning, FM-handan og Betri Vetrarkapping handan, eru at finna á hesi leinkjuni: Myndir FM 10 km 2020