BETRI Vetrarkappingin 2017/18

REGLUR – VETRARKAPPINGIN Í RENNING 2017/2018

Endamál
Endamálið við kappingini er at skapa dygdargóðar kappingar fyri rennarar á einum hvørjum støði, og at økja og styrkja um áhugan fyri renning yvirhøvur.

Navn
Almenna navnið á kappingini er: BETRI Vetrarkappingin 2017/2018

Reglur fyri luttøku
Kappingin er fyri allar limir í frælsu ítróttafeløgunum í landinum, sum eru limur í FÍF. Kappingarnevndin hjá FÍF kann geva undantaksloyvi til einstaklingar í serligum førum.

Bert rennarar, sum eru skrásettir limir í einum felag áðrenn kappingardag, kunnu telja við. Ein rennari kann skifta felag í sama kappingarári.

Tað verður kappast í hesum bólkum:
-Kvinnur / menn opin bólkur (f. -2001)
-Kvinnur veteranar / Menn Veteranar (f. 1963-1972)
-Kvinnur/Menn Superveteranar (f. 1953-1962 )
-Kvinnur/Menn Ultraveteranar (f. 1952 ella fyrr) (Talan verður um eitt royndár fyri hendan aldursbólkin)
-Kvinnuunglingar / Mansunglingar (f. 1997-2001)
-Gentur / Dreingir (f. 2002-2006)

Tað verður skipað fyri einstaklinga-  og liðkapping. Tríggir rennarar eru á hvørjum liði. Hvørt felag kann hava óavmarkað tal av liðum hjá monnum og hjá kvinnum. Tvs. rennari nr. 1.-3. hjá felagnum manna lið 1, rennari 4.-6. manna lið 2 og rennari 7.-9. manna lið 3 osv. Liðið fær somu stig sum rennarin fær í opna bólkinum. Tað er altíð teir tríggir rennarar, sum eftir hvørt einstakt umfar liggja á ovast, sum mynda stigini hjá hvørjum einstøkum liði.

Kappingarsløg
Kappingarnar kunnu verða landsveg-, býar-, ella crossrenning. Kappingarsløg verða fastløgd áðrenn kappingarbyrjan.


Kappingar

Talið av kappingum er átta:
1. umfar – 04. November 2017 Runt Agnið: 10,3 km (ca. 5 km) –Roysnið
2. umfar – 18. November 2017 Kerjar (Náttúrurenning): 10,5 km (1,5 Km) – Hvirlan
3. umfar – 25. November 2017: ?  km (? km) – Bragdið
4. umfar – 13. Januar 2018 í Sørvági: 8 km (3,3 km) – Frælsi
5. umfar – 3. Februar 2018 í Hoydølum (FM í cross): 8 km cross (ca. 3 km) – Bragdið
6. umfar – 10. Februar 2018 á Fossánesi: 7-9 km (3-4 km) – Treysti
7. umfar – 3. Mars 2018 í Suðuroy: ?? km (? km) – Hvistan
8. umfar – 17. Mars 2018 í Runavík (FM10): 10 km (5 km) – Roysnið

Kvinnu- og mansunglingar renna sama tein, sum tey vaksnu. Teinurin í klombrum er teinurin, sum gentur og dreingir renna.

Kappingarnevndin loyvir, at motiónsrenning fer fram í somu renning sum vetrarkappingin.

Samanteljing
Samlaða einstaklingakappingin verður avgjørd eftir stigum, sum hvør einstakur rennari ognar sær í hvørjari einstakari kapping. Fimm tey bestu av teimum átta umførunum telja við. Vinnari verður tann íðkarin, sum hevur ognað sær flest stig.

Samlaða liðkappingin verður uppgjørd eftir øllum átta umførunum, har tað eftir hvørt umfar eru teir tríggir rennarar hjá felagnum, su hava flest stig mynda liðið.

Ein skal í minsta lagið hava luttikið í fimm av teimum átta umførunum fyri at telja við í samlaðu kappingini.

Stigatalva:
1 = 50 stig
2 = 47 stig
3 = 45 stig
4 = 43 stig
5 = 41 stig
6 = 40 stig
7 = 39 stig
osfr.

Harumframt verða latin 1 bonusstig um ein hevur luttikið í seks kappingum,  2 bonusstig afturat um ein hevur luttikið í sjey kappingum og so 3 bonusstig afturat um ein hevur luttikið í øllum átta kappingunum.

Stendur tað á jøvnum, vinnur einstaklingurin, sum hevur hevur flest sigrar osv.

Tilmelding
Tilmelding fer fram á staðnum áðrenn kappingarbyrjan ella online á heimasíðuni hjá Frælsum Ítrótti Føroya, sum er www.fif.fo

.

Umsitan
Kappingin verður umsitin av Frælsum Ítrótti Føroya (FÍF).

Oktober 2017

Kappingarnevndin hjá Frælsur Ítróttur Føroya

Hallur Holm
Formaður