Home Reglur Summar Grand Prix Reglur Grand Prix kapping vaksin 2009

Reglur Grand Prix kapping vaksin 2009

by Sølvi Reinert Hansen

KAPPINGARREGLUR 2009

Grand Prix Renning

Navn og endamál
Almenna navni á kappingini er Grand Prix Renning. Navnið kann broytast um ein stuðul ynskir og rindar fyri tað.

Endamálið við kappingini er at skapa kappingar av høgari góðsku fyri rennarar á einum hvørjum støði, og at økja um áhugan fyri renning.

Reglur fyri luttøku
Kappingin er fyri øll fræls ítróttafeløg í landinum, sum eru limur í FÍF. Kappingarnevndin hjá FÍF kann geva undantaksloyvi til onnur feløg/einstaklingar í einstøkum førum.

Bert rennarir, sum eru skrásettir limir í einum felag, áðrenn kappingardag kunnu fáa stig.

Tað verður kappast í flokkunum:

• Kvinnur opin bólkur (f. -1993) tvs. 16 ár ella eldri
• Menn opin bólkur (f. -1993) tvs. 16 ár ella eldri
• Kvinnur (K45+) veteranar (f. 1963-1954) tvs. 46-55 ár
• Menn (M45+) veteranar (f. 1963-1954) tvs. 46-55 ár
• Kvinnur (K55+) superveteranar (f. -1953 ella fyrr) tvs. 56 ár ella eldri
• Menn (M55+)superveteranar (f. -1953 ella fyrr) tvs. 56 ár ella eldri

Aldurin verður roknaður, sum blivin aldur, tá árið er runnið.

Tað verður einans skipað fyri einstaklingakapping.

Ein rennari kann skifta felag í kappingarárinum.

Kappingarsløg
Kappingarnar kunnu verða landsveg-, býar-, bana- ella crossrenning. Kappingarsløg verða fastløgd áðrenn kappingarbyrjan.

Kappingar
Talið av kappingum verður ásett á hvørjum árið, tað kann verða skiftandi frá ári til ár. Í 2009 verða seks kappingar.

1. Norðoyastevna (Klaksvík) 6. juni –  kl. 12.00 – 5 km
2. Fjarðastevna (Skáli) Fríggjakvøldið 12. juni kl. 19.00 – uml. 8,5 km
3. Sundalagsstevna ( Kollafjørður) 20. juni –  kl. 10.30 – uml. 8 km
4. Eystanstevna (Runavík) Týskvøldið  7. juli kl. 18.00 – 10 km (samstundis FM)
5. Vestanstevna (Sandavágur) Fríggjakvøldið 10. juli – ikki fastlagt enn
6. Ólavsøka (Tórshavn)  Mánakvøldið 27. juli – 5 km

Kappingarnevndin loyvir at motiónsrenning fer fram í somu renning sum Grand Prix renningin.

Stigtalva:
nr.1 = 40 stig,
nr.2 = 34 stig,
nr.3 = 30 stig,
nr.4 = 26 stig,
nr.5 = 23 stig,
nr.6 = 20 stig,
nr.7 = 18 stig,
nr.8 = 16 stig,
nr.9 = 14 stig,
nr.10 = 12 stig,
nr.11 = 10 stig,
nr.12 = 9 stig,
nr.13 = 8 stig
nr.14 = 7 stig
nr.15 = 6 stig
nr.16 = 5 stig
nr.17 = 4 stig
nr.18 = 3 stig
nr.19 = 2 stig
nr.20 = 1 stig

Bonusstig
Harumframt fær rennari í hevur gjøgnumført minst 5 kappingar 3 bonusstig og rennari í hevur gjøgnumført allar 6 kappingarnar 5 bonusstig.

Samlaða einstaklingakappingin verður avgjørd eftir fýra av teimum bestu teljandi umførunum, sum rennarin hevur fingið.

Stendur tað á jøvnum, vinnur einstaklingurin, sum hevur uppnátt flest stig í einari kapping. Stendur tað framvegis á jøvnum vinnur einstaklingurin, sum hevur næstflest stig í einari kapping osfr.

Tilmelding
Tilmelding fer fram á staðnum áðrenn kappingarbyrjan ella online á www.athletics.fo

Umsiting
Kappingin verður umsitin av Kappingarnevndini hjá Frælsum Ítrótti Føroya (FÍF).