10. føroyska uttandurametið til Rebekku í 2013

Tá Treysti í gjárkvøldið skipaði fyri opnari kapping á Svangaskarði, eydnaðist tað Rebekku Fuglø at seta sítt 10. føroyska uttanduramet fyri kvinnur. Frá byrjan til endan av hesum kappingarárinum hevur Rebekka hildið eitt sera høgt støði. Tað byrjaði við føroyskum meti á 1.000 metrum til Grand Prix 1, og síðani er næstan ikki kapping farin afturum, uttan at okkurt metið er tikið. Rebekka gjørdist í ár fyrsta føroyska kvinna undir 28 sekund á 200 m, fyrsta undir 44 sekund á 300 m, setti tvær ferðir met á 400 m, tók tvey sekund av 600 m metinum, setti tvær ferðir met á 800 m  og tvær ferðir á 1.000 m, har hon eisini gjørdist fyrsta kvinna undir tríggjar minuttir. Harafturat tók hon seks sekund  av 1.500 m tíðini, og er bert eitt sekund frá føroyska metinum. Rebekka gjørdist eisini føroyameistari á 100 m, og er tann føroyska kvinnan, sum hevur bestu el-tíðina við 13,76 sek. Metini hjá Rebekku í 2013:

200m (27,99) 300m (43,60) 400m (60,99) 400m (60,52) 600m (1.42,2) 800m (2.15,84) 800m (2.15,43) 1.000m (3.02,69) 1.000m (2.57,15) 4x100m (54,40) 

Rebekka endaði sítt kappingarár á Svangaskarði í gjárkvøldið, og setti enn eitt føroyskt met – tað 10. í ár!

Frásøgn og myndir á: www.treysti.fo

Úrslitini av Svangaskarði í gjár vóru annars hesi: