Andrias og Hallbjørg føroyameistar í maraton

Í fagrasta veðri varð Tórhavn Marathon runnið í dag. Methøgt luttakaratal, metnógvir útlendingar, metnógvir áskoðarar og metgott veður. Og rutumet í bæði heilum og hálvum maraton.

Stúgvandi fult av fólki í gongugøtuni og á Vaglinum, tá Tórshavn Marathon 2017 varð skotið avstað (mynd: Bragdið – faroefoto)

FM í maraton er partur av Tórshavn Marathon. Føroyameistari hjá monnum gjørdist Andrias Hansen úr Bragdinum, sum luttók fyri fyrstu ferð síðani 2009, tá tað eisini endaði við einum FM-heiti. Á øðrum plássi kom Cecil Weihe úr Bragdinum og á triðja plássi kom Martin Gravesen, eisini úr Bragdinum. Hesir tríggir eiga tilsamans 11 av teimum tilsamans 15 FM-heitunum, sum eru vunnin, síðani FM varð hildið á fyrsta sinni í 2003.

Hjá kvinnunum var tað Hallbjørg Danielsen úr Roysninum, sum vann FM heitið í kapping við liðfelagan úr Roysninum, Petru Mikkelsen. Sunneva Olsen úr Bragdinum gjørdist nr. 3. Hetta var fyrsta FM heitið hjá Hallbjørg, sum annars bleiv nr. 3 til FM í hálvum maraton.

Hallbjørg kemur pressandi seinastu metrarnar móti málinum, og verður á fyrsta sinni føroyameistari í maratonrenning.

Meira um Tórshavn Marathon í aðrari grein sunnudagin.

FM úrslitini síggjast niðanfyri.