Home Nýggjastu tíðindi Føroya Banki høvuðsstuðul hjá Bragdinum

Føroya Banki høvuðsstuðul hjá Bragdinum

by athletic

Føroya Banki og Bragdið

Føroya Banki hevur gjørt stuðulsavtalu við Bragdið um at vera høvuðsstuðul hjá felagnum komandi tvey árini.

Bragdið, sum er felag fyri frælsan ítrótt í Suðursteymoy, skipar árliga fyri fimm høvuðskappingum, sum serliga nógv verður gjørt burturúr. Talið á íðkandi í hesum kappingum er stórt og støðugt vaksandi.

Tey fimm tiltøkini hjá Bragdinum, sum seinastu árini veruliga hava vunnið frama millum fólk, eru:

– Flaggdagsrenning 25. apríl – meira enn 500 luttakarar í 2006
– Tórshavn Marathon 15. juli – meira enn 300 luttakarar í 2006
– Ólavsøkurenning 27. juli – meira enn 400 luttakarar í 2006
– Kvinnurenning sept. – meira enn 100 luttakarar í 2006
– Fólkaheilsurenning sept. – meira enn 700 luttakarar í 2006

Poula Michelsen Kass, marknaðarleiðari í Føroya Banka, fegnast um avtaluna við Bragdið. Avtalan samsvarar neyvt við heilsupolitikkin hjá Føroya Banka, sum er at íbirta og stuðla einum sunnari livihátti í samfelagnum.

Føroya Banki hevur egin venjingarhøli á høvuðsskrivstovu síni í Tórshavn. Starvsfólk bankans brúka hesi venjingarhøli javnan. Fleiri teirra, sum dagliga royna seg á rennibandinum í bankanum, verða við í Flaggdagsrenningini í morgin.

Á myndini undirskriva Poula Michelsen Kass, marknaðarleiðari í Føroya Banka, og Robert Vilhelmsen, formaður fyri Bragdið, stuðulsavtaluna.

0 comment
0

Related Articles