Henry og Rebekka vunnu í Kollafirði

Í dag var stevnurenning í Kollafirði í sambandi við Sundalagsstevnuna. Veðrið vísti seg frá síni bestu síðu, og teir umleið 50 rennararnir fingu eina stak hugnaliga løtu saman. Hjá monnunum var tað Henry Olsen, sum vann. Hann og Marnar Pattinson fylgdust teir fyrstu fimm kilometrarnar, men so setti Henry fulla ferð á, og rann næstan ein minutt undan Marnari teir seinastu tríggjar kilometrarnar. Einar Gregersen, sum eisini taldist millum favorittarnar, hevði ein off-day, og kom ongantíð veruliga uppí part. Hann fekk tó eitt trygt triðja pláss. Hjá kvinnunum var lítil spenningur. Rebekka vann ein greiðan sigur. Duruta R. á Lofti manglar enn nakað í at geva Rebekku kapping, men vann trygt silvur framman fyri Jóhonnu Olsen.

Eins og vanligt varð eisini kappast í veteranbólkunum, og aftaná var barnarenning. Úrslitini eru niðanfyri:

Jóannes Poulsen hevur tikið nógvar myndir. Tær eru ikki komnar á netið enn, men verða lagdar á síðuna hjá Treysti.