Í gjár bleiv ársins fyrsta rennikapping avgreidd tá Nýggjárshálvmarathon var í Eysturoynni. Seinnu árini hava alsamt fleiri og fleiri luttikið í hesi afturvendandi kapping, og í gjár bleiv talan um metstóra luttøku. Hesuferð vóru tað nærum 60 rennarar við. Líkindini at renna blivu av teimum allarbestu. Talan varð um eitt lot í ryggin allan vegin, einans undantikið tá runnið var frá Runavík móti Saltnesi.

Henry á 4. plássi fær vatn eftir 10 km á Skipanesi

Hjá monnunum bleiv talan um skjótastu tíðina í Nýggjárshálvmarathon. Marnar Djurhuus rann teinin uppá 1.13,46 tímar. Hann gjørdist greiður vinnari frammanfyri Guttorm Sørensen (1.19,28) og Borgar Biskopstø (1.19,32). Veteranbólkin vann Borgar frammanfyri Henry Olsen (1.22,19) og Andrass Joensen (1.27,35). Superveteranbólkin vann Óli Olsen við 1.31,45 tímar frammanfyri Jens R. Weihe (1.33,43) og Tummas Joensen (1.36,41)

Fremstu mennirnir vóru allir úr Treysti. Fv: Guttorm, Marnar og Borgar 

Hjá kvinnunum gjørdist Ann Thomsen vinnari við 1.40,27 tímar frammanfyri Elin Vang (1.48,00) og Astrið Joensen (1.49,56). Ann Thomsen vann eisini veteranbólkin frammanfyri Karin K. Petersen (1.53,25) og Hannu Thorleifsson (2.00,09).

Eftir at øll vóru komin á mál var brúsubað at fáa í Ítróttarhøllini í Runavík. Síðani bleiv farið í Peche Café at drekka kaffi/te við belgiskum vaflum afturvið. Har blivu heiðursmerkini, sum vóru latin av Runavíkar Kommunu, handaði.

Úrslitini eru at finna her niðanfyri:

Kvinnuveteranar fv. Hanna, Ann og Karin

Menn veteranar fv.: Henry, Borgar og Andrass

Superveteranar fv: Jens, Óli og Tummas

Nakrar myndir frá Nýggjárshálvmarathon eru at finna her.

Næsta rennikapping verður longu leygardagin 14. januar í Havn, tá 2.umfar í Vetrarkappingini verður. Hetta umfarið skuldi eftir ætlan verða 10. desember, men líkindi vóru ikki at renna tá. Startur og mál vera á Tórsbreyt.