Home Komandi tiltøk 20. Føroya Bjór Renningin í miðbýnum

20. Føroya Bjór Renningin í miðbýnum

by Guttorm Sørensen

fbr 2000

Á Norðoyastevnu leygardagin 4. juni kl. 11.00 skipar Treysti fyri árligu Føroya Bjór renningini, sum er fyri bæði børn og vaksin. Hetta er 20. ferð á rað, at Treysti skipar fyri hesi renning í miðbýnum. Tað var í 1997, at fyrstu ferð runnið bleiv inni í býnum á Norðoyastevnu, og at renningin varð skipað, sum ein býarrenning. Hetta var eisini fyrstu ferð, at skipað bleiv fyri renning fyri børn í ymsum aldursbólkum.

 
2000                                                                                      2002

Øll árini síðani renningin byrjaði í 1997 hevur luttøkan verið sera góð, og tað vóna vit, at hon verður aftur hesaferð. Fyrstu árini vóru tað flest børn í luttóku, men seinnu árini hava nógv vaksin luttikið eisini.
 
2004                                                                                       2006
Orsakað av vegarbeiði við Skúlavegin, sum tískil er stongdur, verður runnið annarleiðis í ár, men kortini nøkunlunda somu teinar. Rutan hjá børnum verður á einum rundteini á umleið 450m og renna tey ávikavist eitt, tvey og trý umfør. Tey vaksnu renna knapt trý umfør á 1,7 km, tilsamans 5 km á rutu, sum er  uppmátað og góðkend. Starturin er við Akursmørk, niðan til Oyravegin, oman til “Húkin”, niðan til Bøgøtu og omaneftir til rundkoyringina og til Telebúðina har málið er. Hjá øllum børnum verður startur og mál á vegnum uttanfyri Telebúðina.
 
2009                                                                                       2009
 
2009                                                                                       2010

Skráin
Skráin fyri rennikappingina á Norðoyastevnu sær soleiðis út:
kl. 11.00 Menn/Kvinnur (f. 1971-1999) – 5 km
kl. 11.00 Menn/Kvinnur Veteranar (f.1961-1970) – 5 km
kl. 11.00 Superveteranar (f.1960 ella fyrr) – 5 km
kl. 11.45 Dreingir-7/Gentur-7 (f.2009 ella seinni) – ca. 450 m
kl. 11.55 Dreingir-10/Gentur-10 (f.2006-2008) – ca. 900 m
kl. 12.05 Dreingir-13/Gentur-13 (f.2003-2005) – ca. 1.350 m
kl. 12.15 Dreingir-17/Gentur-17 (f.1999-2002) – ca. 1.350 m
kl. 12.30 Heiðursmerkjahandan uttanfyri Norðoya Sparikassa

Heiðursmerki verða latin til nr. 1, 2 og 3 í øllum bólkum, og steyp verður latið skjótastu kvinnuni og manninum á 5 km teininum.

 
2011                                                                                        2011
Tilmelding
Tilmelding fer fram á heimasíðuni hjá FÍF, og har kann einans gjaldast við DANKORT. Freistin fyri onlinetilmelding er fríggjakvøldið 3. juni klokkan 22.00. Luttøkugjaldið er kr. 60 fyri vaksin og kr. 30 fyri børn. Leinkja til tilmeldingina er HER.
Tey sum tilmelda seg online, skulu avheinta startnummur í deildini hjá Norðoya Sparikassa í góðari tíð áðrenn start.
 
2011                                                                                        2011
Eisini ber til at eftirtilmelda seg í deildini hjá Norðoya Sparikassa, í seinasta lagi ½ tíma áðrenn renningarnar byrja, men tá er kostnaðurin kr. 80 fyri vaksin og kr. 50 fyri børn. Allir luttakarar verða bidnir um at møta í góðari tíð áðrenn renningin byrjar.Øll eru vælkomin at verða við, og vónar Treysti, at undirtøkan verður minst líka góð, sum hon hevur verið øll árini frammanundan.
 
2012                                                                                       2012
 
2012                                                                                        2012
Í myndasavninum Myndasavn Treysti finnist ein røð av góðum renniminnum og -myndum frá teimum undanfarnu 19. Føroya Bjór Renningunum 🙂

 

0 comment
0

Related Articles