25.02.20 kl. 15:46

BETRI VK6 á Viðareiði leygardagin

Skrivað hevur

Leygardagin 29. februar kl. 11.00 skipar Treysti fyri 6. umfari í BETRI Vetrarkappingini. Hetta umfari plagar at verða fyriskipað frá Fossánesi, men vegna tað at Skúlin á Fossánesi er upptikin hendan dagin, so verður kappingin hildin á Viðareiði í staðin.

Hetta verður 13. ferðin, at Treysti skipar fyri Vetrarkapping norðanfyri. Startur og mál verður beint við Skúlan á Viðareiði. Kappast verður í ymiskum bólkum og byrja allir bólkar samstundis kl. 11.00.

– Kvinnur / Menn opin bólkur (f. -2003) – umleið 8,1 km
– Kvinnur / Menn Veteranar (f. 1965-1974) – umleið 8,1 km
– Kvinnur / Menn Superveteranar (f. 1955-1964) – umleið 8,1  km
– Kvinnur / Menn Ultraveteranar (f. 1954 ella fyrr) – umleið 8,1 km
– Kvinnuunglingar / Mansunglingar (f. 1999-2003) – umleið 8,1 km
– Gentur / Dreingir (f. 2004-2008) – umleið 2,7 km

Teinurin verður umleið 8 km og rutan verður trý umfør á umleið 2,7 km runt á Viðareiði. Startur og mál verða tætt við Skúlan. Børnini renna eitt umfar.


Rutan
Í sambandi við renningina verða heiðursmerkir latin til nummar eitt, tvey og trý í øllum bólkunum. Sum vanligt er, so fer tilmelding fram á heimasíðuni hjá FÍF (www.fif.fo).
Leinkjan til tilmelding er her: Tilmelding BETRI VK-6 Viðareiði
Freistin er fríggjakvøldið 28. feb. kl. 22.00. Luttøkugjaldið er sum tað plagar, tvs. kr. 50 fyri vaksin og kr. 30 fyri børn. Eisini kann meldast til á staðnum hálvan tíma áðrenn start.
Luttakararnir verða bidnir um at møta við í Skúlanum á Viðareiði frá kl. 10.00. Startnummarið skal vera avheintað í seinasta lagi kl. 10.45. Í skúlanum er møguleiki fyri skifting og brúsubað. Eftir renningina verður ábit og heiðursmerkjahandan í kantinuni í skúlanum. Heiðursmerkjahandanin verður kl. 12.30.
Treysti vónar at nógvir luttakarar verða við, tí renningin er samstundis motiónsrenning, sum eitt umfar á 2,7 km og har øll kunnu luttaka.

Skriva viðmerking

Your email address will not be published. Required fields are marked *

*