Home Uncategorized Jan Elmar og Marna vunnu FM í hálvari maratonrenning

Jan Elmar og Marna vunnu FM í hálvari maratonrenning

by Hallur Holm

Tað gjørdist sum væntað favorittarnir, sum vunnu, tá FM í hálvum maraton var avgreitt í Klaksvík í gjár. Hóast Andrias Hansen rann heilt væl, og fylgdi Jan Elmari hálvan tein, fekk hann ikki staðið í móti, tá Jan Elmar veruliga traðkaði á spitaran. Jan Elmar var at enda ein minutt undan, og vann FM við 1.14.48. Hóast Jan Elmar fór undan, helt Andrias á at stríðast, og kom á málið við sterku tíðini 1.15.48.

½ maraton FM 2017 - Jan Elmar Andrias
Jan Elmar og Andrias vóru leysir mest sum beinanvegin. Ein klóvnur elti teir eina løtu, og royndi at lokka eitt oyra úr teimum.

Teir tríggir veteranarnir, Sam Vang, Martin Gravesen og Henry Olsen, stríddust um bronsumerkið, sum tað at enda eydnaðist Sam at vinna.

Sum væntað vann Marna Egholm greiðan sigur hjá kvinnunum. Næstbest á degnum var Unn Joensen, sum býr í Noregi, og ikki umboðar føroyskt felag. Hon var tí ikki partur av FM. Í staðin var tað Ella Áarstein, sum vann FM-silvur, meðan Hallbjørg Danielsen úr Roysninum vann bronsuna.

Kappingin var sera væl eydnað. Yvir 200 luttakarar vóru tilsamans og runnu í Klaksvík hendan dagin. Umframt ½ maraton, var eisini ein styttri teinur uppá góðar 5 kilometrar og barnarenning.

Tíggju teir bestu menninir í FM

1 1.14.48 Jan Elmar Sørensen 1991 Treysti
2 1.15.48 Andrias Hansen 1982 Bragdið
3 1.20.41 Sam Vang 1970 Bragdið
4 1.21.06 Martin Gravesen 1967 Bragdið
5 1.21.42 Henry Olsen 1964 Bragdið
6 1.22.32 Regin Zachariasen 1960 Bragdið
7 1.25.03 Hjalmar Sjóvará 1966 Bragdið
8 1.25.16 Jóhan E. Simonsen 1969 Bragdið
9 1.26.55 Niels Poulsen 1972 Bragdið
10 1.28.32 Julian Gregersen 1998 Treysti

Og tíggju tær fremstu kvinnurnar í FM

1 1.29.21 Marna L.V. Egholm 1981 Bragdið
2 1.42.52 Ella Áarstein 1964 Treysti
3 1.43.43 Hallbjørg Danielsen 1973 Roysnið
4 1.45.49 Elisa Nielsen 1965 Bragdið
5 1.46.29 Mona Rasmussen 1969 Treysti
6 1.48.01 Ann-Mari av Skarði 1974 Bragdið
7 1.48.29 Margreth Augustinussen 1973 Hvistan
8 1.49.04 Helga Súsanna Johansen 1981 Treysti
9 1.51.12 Asta Hubeck-Graudal 1980 Bragdið
10 1.53.25 Marita Hansen 1979 Bragdið

Øll úrslitini síggjast á  heimasíðuni hjá Treysti

0 comment
0

Related Articles