Rógvi og Rigmor føroyameistarar í hálvmaraton

Skrivað hevur

Rógvi Kárason úr Bragdinum og Rigmor N. Arge úr Hvirluni blivu í gjár føroyameistarar í hálvum maratoni, tá Treysti skipaði fyri NS hálvmaraton í góðveðrinum í Klaksvíksgøtum í gjár.

Rógvi legði væl fyri og hevði Peter Jensen úr Bragdinum beint aftanfyri eftir fyrsta av teimum fýra umførunum á 5,275 km, sum rennast skuldu. Eftir tað varð ongin ivi um hvør fór at vinna. Rógvi var væl rennandi og lá til eina tíð undir ein tíma og tjúgu minuttir, men ferðin hjá honum fór nakað niður og gjørdist vinnaratíðin hjá honum 1.20.49. Hetta er fyrstu ferð Rógvi vinnur hesa kapping. Peter Jensen á øðrumplássið, kom á mál í tíðini 1.22.58. Kappingin um triðjapláss var hørð millum Símun Petur Arge Poulsen og Sam Vang úr Bragdinum. Endin varð at Símun Petur bleiv triðji rennari á mál við 1.23.53 frammanfyri Sam Vang við 1.24.40. Men av tí at Símun ikki umboðaði nakað felag, so bleiv Sam nummar trý í FM.

Hjá kvinnunum var Rigmor rættiliga suveren. Rigmor, sum nú er 51 ára gomul, vísti at hon framvegis rennir væl. Hon gjørdist enn einaferð føroyameistari og hesuferð við góðu tíðini 1.29.23. Duruta R. á Lofti úr Bragdinum lá eina løtu á øðrumplássi, men hon fekk onkrar trupulleikar og mátti tíverri gevast. Næsta kvinna á mál bleiv Borgarhjørt Holm úr Bragdinum við tíðini 1.37.24. Triðja kvinna á mál var Sissal Drews Hjaltalin, men eins og triðji maður á mál, so umboðaði hon onki felag og so gjørdist Lydia Jacobsen úr Roysnið nummar trý í FM við tíðini 1.39.21.

Topp 10 hjá monnum

Nr Navn Árg. Tíð
1 Rógvi Kárason, Bragdið  1997 1:20:49.9
2 Peter Jensen, Bragdið  1992 1:22:58.7
3 Símun Petur Arge Poulsen, Onki felag  1994 1:23:53.5
4 Sam Vang, Bragdið  1970 1:24:40.2
5 Pauli Poulsen, Roysnið  1973 1:25:58.3
6 Heini Gregersen, Treysti  1964 1:26:48.1
7 Jógvan Hendriksson Olsen, Onki felag  1998 1:28:04.0
8 Jaspur Højgaard, Onki felag 1985 1:30:30.9
9 Per Martin Gregersen, Roysnið  1989 1:30:51.4
10 Andrew Hansen, Bragdið  1975 1:31:34.2

Topp 10 hjá kvinnum

Nr Navn Árg. Tíð
1 Rigmor Napoelonsdóttir Arge, Hvirlan  1969 1:29:23.7
2 Borgarhjørt Holm, Bragdið  1966 1:37:24.1
3 Sissal Drews Hjaltalin, Onki felag  1996 1:38:36.5
4 Lydia Jacobsen, Roysnið  1976 1:39:21.9
5 Petra Weihe Mikkelsen, Roysnið  1974 1:48:33.0
6 Helga Súsanna Johansen, Treysti  1981 1:50:26.2
7 Heidi Óluvá Jógvansdóttir, Bragdið  1972 1:58:27.3
8 Aud í Soylu, Frælsi  1961 2:00:01.4
9 Tóra Holm Jacobsen, Bragdið  1973 2:01:51.9
10 Katrin Bertholdsen, Onki felag  1999 2:02:42.6

Øll úrslit frá øllum kappingunum í gjár eru at síggja á webscorer.com á leinkjunum niðanfyri.

FM hálvmaraton 2020

NS hálvmaraton Klaksvík 2020

NS motiónsrenning 2020 – 5,275km

NS barnarenning -7 (2013 ella seinni) – 530m

NS barnarenning -10 (2010-2012) – 530m

NS barnarenning -13 (2007-2009) – 530m

Myndir, sum Jóannes Poulsen tók, eru at finna á hesini leinkjuni: NS hálvmaraton Klaksvík 2020


Rógvi Kárason føroyameistarin í hálvmaraton. Peter Jensen hómast aftanfyri.


Peter Jensen bleiv nummar tvey


Sam Vang og Símun Petur Arge Poulsen. Símun Petur bleiv tann fyrri á mál, men Sam bleiv nummar trý í FM


Rigmor N. Arge enn einaferð føroyameistari hjá kvinnunum


Fremstu kvinnurnar í FM í veteranbólkinum. Borgarhjørt Holm, Rigmor N. Arge og Petra W. Mikkelsen


Fremstu menn veteranar: Pauli Poulsen, Sam Vang og Kaj Dam


John Sigurðssson úr Treysti gjørdist føroyameistari fyri ultraveteranar


Fremstu superveteranar í FM: Absalon Hansen, Heini Gregersen og Herluf Jakobsen


Fremstu menn í FM: Peter Jensen, Rógvi Kárason og Sam Vang


Aud í Soylu føroyameistari fyri superveteranar


Heini Gregersen føroyameistari fyri superveteranar


Borgarhjørt Holm nummar tvey í FM

Comments are closed.