Ólavsøkurenningin – úrslit og myndir

Nú er nakad frálidid sídani ólavsøkan og vid henni ólavsøkurenningin fór aftur um. Enn einaferd megnadi Bragdid at gera ólavsøkurenningina til nakad heilt serstakt. Sjálvur renniteinurin á Skálatrød og úti undir Bakka er ikki nakar rasarabani, men hetta vita rennararnir, sum heldur royna at njóta løtuna saman vid mongu áskodarunum.

Ikki av størstu ólavsøkufeltum, men nógvir sterkir rennarar

Renningin í ár gjørdist sera spennandi. Rúni Seloy, Julian Gregesen og vinnarin á flaggdegnum Signar Røsvik brutu seg skjótt leysar, og tad var millum hesar tríggjar, at strídid skuldi standa. Teir fylgdust fyrsta av teimum fimm umførunum vid Signari dragandi. Annad og tridja umfarid sá út til at Rúni vildi sleppa undan, men á fjórda umfarinum vísti Signar sín mátt og økti ferdina so mikid, at hinir máttu sleppa. Julian royndi at treiskast nakad leingi, og slapp tí leysur frá Rúna. Men Signar setti enn meira ferd á seinasta umfari og vann ein vakran og tryggan sigur vid tídini 16.36 min.

Rúni Seloy á odda, men Signar Røsvik hevur tamarhald á støduni. Tridjur er Julian Gregersen

Rúni ernadist rættiliga væl á seinasta umfarinum, men tad eydnadist kortini Julian at halda hann aftanfyri. Teir komu bádir undir 17 minuttir á fyrsta sinni. Kappingin um næstu plássini var eisini hørd. Heilir sjey rennarar lógu millum 17 og 18 minuttir, og her var tad Eirikur Hansen sum vid tveimum sterkum umførum móti endanum akkurát náddi at stinga seg fram um Henry á fimta plássi. Henry kundi tó ugga seg vid at gerast vinnnari av veteranbólkinum.

Signar Røsvik, 41 ár, rennur lættari enn nakar unglingi. Men munnu teir yngru ikki ætla sær gullid næsta ár? Julian og Rúni er evnaríkir og renna lættliga undir 16 min, um tad er tad teir ynskja.

Hjá kvinnunum sá eisini út til, at vit fóru at fáa eina spennandi kapping. Bjørk var nokk favorittur, men vid stórforminum hjá Rebekku og vid hennar góda úrsliti á nordoyastevnu, kundi hon saktans geva Bjørk góda mótstødu, og at hetta eisini var ætlanin, kom týdiliga til sjóndar longu frá byrjan. Hon legdist strax í ryggin á Bjørk. Men Bjørk hevdi ein av sínum heilt gódu døgum, og rann sína bestu ólavsøkutíd nakrantíd. Soleidis megnadi Rebekka bert at fylgja vid fyrstu tvey umførini og Bjørk vann at enda trygt. Rebekka vann silvurmerki men danska Anne Havbo kom henni rættiliga nær móti endanum, tá bert 13 sekund vóru teirra millum. Á fjórda plássi kom veteranvinnarin Borgarhjørt Holm.

Bjørk á odda vid Rebekku andandi í nakkan. Jonhard Larsen og Guttorm Sørensen fylgja spentir vid. Í svørtum er tad Jóhan Petur Petersen, spennandi nýtt navn.

Gott at síggja Bjørk ovast á skamlinum aftur. Rebekka og Anne runnu eisini sínar skjótastu ólavsøkutídir.

Fleiri myndir undir úrslitunum. Farid annars á heimasíduna hjá Bragdinum www.bragdid.fo Har eru úrslitini úr Lapio, og har ber til at síggja tídina fyri hvørt umfarid og í øllum bólkunum. Har er eisini slód til gódar myndir, sum Einar og Torvør Vang hava tikid. Myndirnar í hesi greinini eigur Treysti. Ingun Sørensen hevur knipsad. Nógv fleiri myndir eru á picasaweb hjá treysti.fo

Nr. 5, 10 og 12 í opna bólkinum, men gull, silvur og bronsa í veteranbólki +45. Og tad er ikki feskan ost vit tosa um. Hesir eru ræstir.

Jens Weihe vann hjá elstu harrunum. Jósvein Herup Olsen nr. tvey og Bent H. Jakobsen nr. 3. Vid tídini 20.00 var Jósvein ein av 32 rennarum hendan dagin, sum ikki fóru upp um 20 minuttir!!!!