Betri VK-6 Fossánes – úrslit og myndir

Teir 60 rennararnir fingu seg royndar í morgun, tá teir luttóku í sætta umfari í Betri Vetrarkappingini, sum Treysti skipaði fyri norðuri á Fossánesi, har startur og mál var. Renniteinurin er knappar 9 kilometrar og runnið verður bæði á Borðoynni og Viðoynni. Frá Fossánesi og tvær ferðir gjøgnum Hvannasund og einaferð gjøgnum Norðdepli.

Líkindini vóru sera skiftandi. Regn, kavaælingar og nógvur vindur av og á. Hjá monnunum vat tað Eirikur Hansen úr Bragdinum, sum vann ein rættiliga tryggan sigur. Honum næstir komu Dánjal D. Ljosheim úr Hvirluni og Hallur Holm úr Bragdinum.

Hjá kvinnunum var tað Rebekka Fuglø úr Treysti, sum rann seg til ein tryggan sigur frammanfyri liðfelagan Oddvør Josephsen. Á triðjapassi kom Ann-Mari av Skarði úr Bragdinum.

Eirikur Hansen vann tryggan sigur í morgun 

Arnfinn, Rebekka og Heini hava sneitt av heim í gjøgnum Norðdepli. Rebekka vann hjá kvinnunum

Strævi í morgun, men hugnaligt, at renna suður eftir fjørugøtuni í Hvannasundi

Ingi Johannesen úr Roysnið vann sín fyrsta sigur í Vetrarkappingini

Myndir, sum Jóannes N. Poulsen tók, eru at finna á hesi slóðini: Betri VK-6 Fossánes 2018

Úrslit Betri VK-6 á Fossánesi 10. feb. kl. 11.00